2 Samuweli 3:8 - Siswati 1996 Bible

⁸ Abneri watfukutsela wabilelana ngenca yalenkhulumo ya-Ishboshethi, waphendvula watsi: “Ucabanga kutsi mine ngikhonta Juda yini? Lamuhla loku mine ngihlonipha indlu yeyihlo, Sawula, nemndeni wakhe kanye nebangani bakhe. Angikaze ngikunikele esandleni saDavide. Noko manje sewungibeka licala macondzana nalomfati!

2 Samuweli 3:8 Referencias Cruzadas

2 Samuweli 16:9

Abishayi, umsa waSeruya, wakhuluma enkhosini, watsi: “Bayethe, nkhosi yami, nkhosi! Uyivumelelani lenja kutsi ikucalekise? Ngivumele ngiye lapha kuyo, ngifike ngijube inhloko yayo ngiyilahle lapha!”

2 Samuweli 2:8

Ngaso leso sikhatsi Abneri, umsa waNeri, labeyindvuna yemphi yaSawula abesatsetse Ishboshethi, umsa waSawula, wamletsa eMahanayimu.

2 Samuweli 3:18

Manje kwenteni loko! Ngobe Simakadze wetsembisa Davide watsi: ‘Ngenceku yami Davide ngiyakwephula sive sonkhe sema-Israyeli esandleni semaFilisti nasetandleni tato tonkhe titsa taso.’ ”

2 Samuweli 3:9

Shangatsi Nkulunkulu angangiphatsa kabuhlungu mine Abneri, nangingamenteli Davide loko Simakadze lametsembisa kona ngesifungo,

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

2 Samuweli 9:8

Mefiboshethi wakhotsama, watsi: “Iyini inceku yakho, kutsi ungaze unakekele inja lefile njengami?”

2 Emakhosi 8:13

Hazayeli watsi: “Inceku yakho, inja nje, ingakwenta kanjani loko? Ingafinyelela kanjani kulobo buluhlata?” Elisha wamphendvula, watsi: “Simakadze ungibonisile kutsi wena utawuba yinkhosi yemaSiriya.”

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Dutheronomi 23:18

Aniyikuletsa imali yengwadla lensikati nome lendvuna endlini yaSimakadze Nkulunkulu wenu kutsi itekwenta ngayo setsembiso nome ngabe sani, ngobe Simakadze Nkulunkulu wenu ubenyanya bobabili.

1 Samuweli 15:28

Samuweli wakhuluma kuye watsi: “Simakadze sewuwuklebhulile umbuso wema-Israyeli kuwe, kusukela lamuhla, sewuwuniketele kulomunye wabomakhelwane bakho; yebo, uwuniketele kuloncono kunawe.

1 Samuweli 17:43

Watsi kuDavide: “Ngiyinja yini, kutsi ungeta kimi uphetse tindvuku?” LomFilisti wacalekisa Davide ngabonkulunkulu bakhe,