2 Samuweli 3:31 - Siswati 1996 Bible

³¹ Davide wakhuluma kuJowabe nakubo bonkhe bantfu lababelapho, watsi: “Klebhulani timphahla tenu nembatse emasaka, nihambe nendlule embikwa-Abneri.” Davide, inkhosi, naye cobo lwakhe wahamba emvakweluhlaka lwemngcwabo wa-Abneri.

2 Samuweli 3:31 Referencias Cruzadas

Genesisi 37:29

Rubeni watsi ubuyela kulomgodzi wakhandza Josefa angasekho, wadzabula timphahla takhe.

Genesisi 37:34

Jakobe wadzabuka wadzimate wadzabula timphahla takhe, wavunula emasaka, walilela lendvodzana yakhe emalanga lamanyenti.

2 Samuweli 1:11

Davide kanye nawo onkhe emadvodza labenawo badzabula tembatfo tabo.

2 Samuweli 1:2

Ngelilanga lesitsatfu kwefika indvodza iphuma enkambu yaSawula, inetimphahla tayo letidzabukile kanye nelutfuli enhloko. Yatsi nayifika kuDavide, yawa phansi, yakhotsama, imhlonipha.

1 Emakhosi 20:31

Tindvuna takhe takhuluma kuye, tatsi: “Sesivile kutsi emakhosi endlu yaka-Israyeli anesihe. Asambe siye enkhosini yaka-Israyeli sivunule emasaka lapha elukhalweni sibophe tintsambo lapha etinhloko tetfu. Mhlawumbe angahle akusindzise angakubulali.”

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

2 Emakhosi 19:1

Hezekiya, inkhosi, watsi kube akuve loko, wadzabula tingubo takhe wembatsa emasaka, wahamba wangena ethempelini laSimakadze.

2 Emakhosi 19:2

Watfumela bo-Eliyakimu, indvuna yasesigodlweni, naShebna, labengumabhalane, kanye nebaholi bebaphristi, bonkhe bagcoke emasaka baya kumphrofethi Isaya, umsa wa-Amose.

Lukha 7:14

Wahamba Jesu watsintsa loluhlaka lwalunalesidvumbu, bantfu lababelutfwele base bayema. Jesu watsi: “Ngitsi kuwe: Vuka, jaha!”

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

Tikhulu 11:35

Watsi nakayibona, waklebhula timphahla takhe, wakhala, watsi: “Awu, ndvodzakati yami! Ungidzabukisile wangihluphekisa, ngobe ngente sifungo kuSimakadze lengingasoze ngasephula.”