2 Samuweli 24:2 - Siswati 1996 Bible

² Ngako inkhosi Davide yatjela Jowabe netindvuna temabutfo akhe, yatsi: “Hambani niye kuto tonkhe tive tema-Israyeli, kusukela kaDani kuze kuyewufika eBherisheba, nibhalise bonkhe bantfu, kuze ngati kutsi bangaki.”

2 Samuweli 24:2 Referencias Cruzadas

Genesisi 21:14

Ngakusasa ekuseni Abrahama wavuka kuseluvivi, watsatsa sinkhwa nesigubhu semanti wakwetjatsisa Hagari, wamnika nemntfwana wabahambisa. Wahamba-ke Hagari azulazula ehlane laseBherisheba.

2 Samuweli 17:11

“Ngako mine ngikweluleka ngitsi: Onkhe ema-Israyeli kusukela kaDani kuze kuyewuphuma eBherisheba, ngebunyenti bawo angangesihlabatsi saselwandle, akabutselwe lapha kuwe, wena cobo lwakho uwahole niye emphini.

2 Samuweli 2:13

Jowabe, umsa waSeruya, kanye nemadvodza akaDavide bahamba bahlangana nabo esitibeni saseGibeyoni. Lelinye licembu lahlala ngalapha kwalesitiba, kwatsi leli lelinye lahlala ngale kwaso, abukana.

2 Samuweli 20:23

Jowabe abesengamele yonkhe imphi yema-Israyeli; Bhenaya, umsa waJehoyada, abephetse emaKherethi nemaPhelethi.

2 Samuweli 23:37

naSeleki, um-Amoni, naNaharayi waseBherothi, labeludzibi lwaJowabe, umsa waSeruya,

2 Samuweli 24:15

Ngako Simakadze watfumela sifo lesingujubajece esiveni sema-Israyeli, lesacala ekuseni ngalelo langa, kwaze kwaphela leso sikhatsi labesimisile. Bantfu labafa kusukela kaDani kuze kuyewufika eBherisheba baba ti-70 000.

2 Samuweli 3:10

esuse bukhosi endlini yaSawula, bese umisa Davide esihlalweni sebukhosi kutsi abuse etikwa-Israyeli naJuda, kusukela kaDani kuye kufike eBherisheba.”

2 Samuweli 8:16

Jowabe, umsa waSeruya, abengumphatsi wemphi; Jehoshafati, umsa wa-Ahiludi, abengulobhalisako.

1 Tikhronike 21:2

Davide watjela Jowabe netindvuna temabutfo, watsi: “Hambani niyewubala ema-Israyeli kulo lonkhe live, kusukela eBherisheba kuze kuyewufika kaDani. Bese niyabuya-ke nitangibikela, khona ngitewuhlala ngati kutsi ema-Israyeli mangakhi.”

2 Tikhronike 32:31

Kodvwa kwatsi nakufika emancusa aseBhabhulona atfunywe ngumbusi wakhona kutsi atewubuta ngalesimanga sesibonakaliso lesasehlele eveni lakhe, Nkulunkulu wamshiya yedvwa entela kumvivinya, kuze akwati konkhe lokwakusenhlitiyweni yaHezekiya.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Jeremiya 17:5

Naku lokushiwo nguSimakadze, utsi: “Ucalekisiwe umuntfu lowetsembela kumuntfu, umuntfu lowencike emandleni alomunye umuntfu, nalonhlitiyo yakhe imfulatsela Simakadze.

2 kubaseKorinthe 12:7

Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.

Tikhulu 20:1

Ngako sonkhe sive sema-Israyeli kusukela kaDani kuze kuyewufika eBherisheba, nekusukela kulakaGileyadi babophana baba ngumuntfu munye, bashulungana bayawubutsana eMispa embikwaSimakadze.