2 Samuweli 24:16 - Siswati 1996 Bible

¹⁶ Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

2 Samuweli 24:16 Referencias Cruzadas

Genesisi 10:16

waba nguyise wemaJebhusi, nema-Amori, nemaGirigashi,

Genesisi 6:6

Simakadze watisola ngekudala kwakhe umuntfu kutsi abe khona emhlabeni, wadzabuka enhlitiyweni yakhe.

2 Samuweli 24:18

Ngalelo langa Gadi waya kuDavide, wafike watsi: “Khuphuka uyekwakhela Simakadze lilati lena ebaleni lekubhulela kolo laka-Arawuna, umJebhusi.”

2 Samuweli 5:8

Ngalelo langa Davide wakhuluma, watsi: “Lowo lotawuncoba emaJebhusi kufanele asebentise imihubhe yemanti, khona atewufikela ‘kulabatishosha nalabatimphuphutse,’ labatitsa taDavide.” Ngiko nje batsi: “ ‘Timphumphutse netishosha’ tingeke tingene endlini.”

1 Emakhosi 19:4

yena wachubeka wahamba luhambo lolwamtsatsa lilanga lonkhe, aya ekhatsi ehlane. Wefika wahlala ngaphansi kwesihlahla semtsanyelo, wathandazela kutsi asale asafela khona lapho. Wathandaza watsi: “Simakadze, sekwenele, sale utsatsa kuphila kwami; kute lengincono ngakho kunabokhokho bami.”

2 Emakhosi 19:35

Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

1 Tikhronike 1:14

nemaJebhusi, nema-Amori, nemaGirigashi,

2 Tikhronike 3:1

Solomoni wase uyacala-ke kwakha lithempeli laSimakadze eJerusalema, eNtsabeni yaseMoriya, lapho Simakadze atibonakalisa khona kuyise Davide. Kwakungusebaleni lekubhulela kolo laka-Arawuna, umJebhusi, indzawo leyayilungiswe nguDavide.

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Tihlabelelo 135:14

Simakadze uyawubavikela bantfu bakhe, ahawukele tinceku takhe.

Tihlabelelo 35:6

Indlela yabo ayihlwe, ishelele, ingilosi yaSimakadze isabacosha.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 90:13

Buya, Simakadze! Kuyawudzimate kube ngunini solomane usifulatsela? Hawukela tinceku takho.

Eksodusi 12:13

Lengati iyawuba luphawu kini, kuletindlu lenitawube ningekhatsi kwato. Nangibona lengati, ngiyakwengca, lesishayo singeke sehlele kini nangijezisa emaGibhithe.

Eksodusi 12:23

Kutawutsi Simakadze nadzabula live, atewubulala emaGibhithe, abone ingati etinsikeni nasetulu eminyango yenu, bese uyendlula angayivumeli ingilosi yekufa kutsi ingene etindlini tenu inibulale.

Eksodusi 32:14

Ngako Simakadze wagucula umcondvo wakhe, wangabe asababhubhisa bantfu bakhe.

Eksodusi 9:28

Thandazani kuSimakadze. Manje sesidziniwe ngulokudvuma nalesangcotfo. Ngitanikhulula nihambe, akusafuneki nihlale lapha.”

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Jeremiya 42:10

‘Nanihlala kulelive, ngitawunakha nginganibhidliti; ngiyawunihlanyela nginganizuphuni, ngobe ngidzabuke kabi ngalenhlekelele lengiyehlisele etikwenu.

Amose 7:3

Simakadze wase uyayekela, watsi: “Loko kungeke kusenteka.”

Amose 7:6

Ngako Simakadze wase uyayekela, watsi: “Naloku kungeke kusenteka nako.”

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Zakhariya 9:7

Ngiyawukhipha inyama leyingati emilonyeni yabo, ngivungule kudla lekutinengiso lebekunikelwe etithicweni lokusasele emkhatsini wematinyo abo. Labo labayawube basele sebayawuba baNkulunkulu wetfu babe baholi kaJuda, i-Ekroni iyawuba njengemaJebhusi.

Makho 14:41

Wabuya kwesitsatfu watsi kubo: “Kantsi nisalele nanyalo? Nisaphumulile? Sekwenele; sikhatsi sesifikile. Ase nibuke-ke, iNdvodzana yeMuntfu seyiniketwa etandleni tetoni.

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

1 kubaseKorinthe 10:10

Ningakhononi njengalabanye kubo labakhonona, babhujiswa ngumbhubhisi.

2 kubaseKorinthe 2:6

Kwenele nje lokwekutsi linyenti limlahlile lowo.

Joshuwa 15:63

Juda akazange akhone kuwacosha emaJebhusi labehlala eJerusalema; nalamuhla loku emaJebhusi seloku ahlala ndzawonye nesive sakaJuda.

Tikhulu 1:21

Sive sakaBhenjamini sona sehluleka kucosha emaJebhusi labehlala eJerusalema. Kuze kube ngulamuhla emaJebhusi ahlala lapho kanye nesive sakaBhenjamini.

Tikhulu 19:11

Batsi nase basedvutane neJebhusi nelilanga lase liyawumbamba unina, lesisebenti sakhuluma kulomnumzane waso satsi: “Buyani siphambukele kulelidolobha lemaJebhusi, silale khona busuku bunye.”

1 Samuweli 15:11

“Sengiyatisola kutsi Sawula ngamenta inkhosi, ngobe sewungihlubukile, wangete wayigcina imiyalo yami.” Samuweli wakhatsateka kakhulu, wakhala kuSimakadze bonkhe lobo busuku.