2 Samuweli 22:31 - Siswati 1996 Bible

³¹ “Indlela yaNkulunkulu ilungile. Livi laSimakadze letsembekile. Yena usihlangu sabo bonkhe labaphephela kuye.

2 Samuweli 22:31 Referencias Cruzadas

2 Samuweli 22:3

Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca. Usiphephelo sami neMsindzisi wami. Etigebengwini, wena uyangisindzisa.

Nehemiya 9:8

Wakhandza kutsi inhlitiyo yakhe yetsembekile kuwe, wase wenta sivumelwane naye kutsi lelo live uyawuliniketa titukulwane takhe, live lemaKhenani, nemaHethi, nema-Amori, nemaPheresi, nemaJebhusi kanye nemaGirigashi. Usigcinile setsembiso sakho, ngobe wena ulungile.

Jobe 34:10

“Ngako lalelani lapha kimi, nine bantfu labanekucondza. Akube khashane naNkulunkulu kuba ngumenti walokubi, kwenta bubi akube khashane naSomandla.

Tihlabelelo 119:140

Tetsembiso takho tihlanteke ngalokuphelele, nenceku yakho iyatitsandza.

Tihlabelelo 12:6

Emavi aSimakadze ate sici, endlula isiliva lehlantisisiwe, yahlanjululwa ngemlilo kasikhombisa.

Tihlabelelo 145:17

Simakadze ulungile kuto tonkhe tindlela takhe, unemusa emisebentini yakhe yonkhe.

Tihlabelelo 18:30

Indlela yaNkulunkulu ilungile, livi laSimakadze letsembekile. Yena usihlangu sabo bonkhe labaphephela kuye.

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Tihlabelelo 35:2

Tsatsa lihawu lelincane nalelikhulu, uphutfume utengisita!

Tihlabelelo 84:9

Nkulunkulu, buka sihlangu setfu, buka, ubone buso balogcotjiwe wakho.

Tihlabelelo 91:4

Uyawukusibekela ngetimphiko takhe, uphephele ngaphansi kwemaphiko akhe, kwetsembeka kwakhe kulihawu lekukuvikela.

Taga 30:5

“Nkulunkulu wetsembekile etetsembisweni takhe. Uyabaphephisa labo labeta kutewukhosela kuye.

Umshumayeli 3:14

Ngiyati kutsi konkhe lokwentiwa nguNkulunkulu kuyakuma phakadze naphakadze; kute lokungengetwa nalokungacetunwa kuko. Konkhe ukwenta ngendlela yekutsi bantfu batfutfumele ebukhoneni bakhe.

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.