2 Samuweli 21:3 - Siswati 1996 Bible

³ Davide wabuta emaGibeyoni watsi: “Nginganentelani? Ngifuna kwenta inhlawulo yekubuyisana nani ngenca yaloko lokubi lokwentiwa kini, kuze nani nibusise sive saSimakadze.”

2 Samuweli 21:3 Referencias Cruzadas

2 Samuweli 20:19

Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

Eksodusi 32:30

Ngakusasa Mosi wakhuluma kubantfu, watsi: “Nente sono lesikhulu lesesabekako. Kodvwa sengitakwenyuka ngiye kuSimakadze entsabeni; mhlawumbe nginganentela inhlawulo yekubuyisana kuSimakadze ngalokona kwenu.”

Levithikusi 1:4

Lowo muntfu uyawubeka sandla sakhe etikwenhloko yalomnikelo wekushiswa, khona-ke utawube sewuyemukelwa egameni lakhe kutsi umentele inhlawulo yekubuyisana.

Jona 1:11

Sivunguvungu sachubeka sahhusha ngemandla, aze lamatilosi atsi: “Sitakwenta njani-ke ngawe, kuze lesivunguvungu sibindze?”

KumaHebheru 9:22

Empeleni, ngekwemtsetfo cishe konkhe kuhlanjululwa ngengati; ngaphandle kwekucitfwa kwengati kute kutsetselelwa kwetono.

1 Samuweli 2:25

Nangabe umuntfu ona kulomunye umuntfu, Nkulunkulu uyammelela; kodvwa nangabe umuntfu ona kuSimakadze, ngubani loyakumncusela?” Kodvwa emadvodzana akazange alitsatse livi leyise; ngobe kwakuyintsandvo yaSimakadze kutsi abulawe.

1 Samuweli 26:19

Nkhosi! Inkhosi yami ayilalele emavi enceku yayo. Nangabe nguSimakadze lokutjotjotele kutsi ungibulale, kulungile-ke, akawutsatse lowo mnikelo. Kodvwa noko nangabe loko kwentiwe bantfu, ababe ngulabacalekisiwe kuSimakadze! Manje sebangikhiphile eveni lekusabelo sami, efeni laSimakadze, batsi: ‘Hamba uyewukhonta labanye bonkulunkulu.’