2 Samuweli 21:16 - Siswati 1996 Bible

¹⁶ Lesinye setichwaga takaRefa lekwakutsiwa ngu-Ishbi Benobi sasiphetse sikhali selitfusi lesasinesisindvo lesingemakhilogremu labengaba matsatfu nencenye, sihlome ngenkemba lensha; sasicabanga kutsi sitambulala Davide.

2 Samuweli 21:16 Referencias Cruzadas

Genesisi 14:5

Ngemnyaka weli-14 weta Khedolawomere nalamanye emakhosi labenawo, balwa behlula emaRefa e-Ashtherothe Khanayimu, nemaZuzi eHhamu, nema-Emi eShave Khiriyathayimu,

Genesisi 6:4

Kulawo malanga, nangasemva kwawo, kwakunetichwaga letatitalwa bantfu emhlabeni. Emadvodzana aNkulunkulu nasangene kuletintfombi tebantfu, tawatalela bantfwana. Labantfwabato bekungemachawe asendvulo labenemandla neludvumo.

2 Samuweli 21:18

Emvakwaloko kwaba nalenye imphi yemaFilisti eGobi. Ngaleso sikhatsi Sibhekayi, waseHusha, wabulala lesinye sichwaga lekwakutsiwa nguSiphayi, lomunye webatukulu baRefa.

2 Samuweli 21:20

Kwaphindza futsi kwaba nalenye imphi eGathi. Lapho-ke bekunalesinye sichwaga lesidze, sasinemino lesitfupha sandla sisinye netintwane letisitfupha lunyawo lulunye, kungema-24 sekukonkhe. Naso bekungumtukulu waRefa.

2 Samuweli 21:22

Labo-ke bobane babeyintalelwane yaRefa waseGathi. Bafa babulawa nguDavide nemadvodza akakhe.

2 Samuweli 5:18

EmaFilisti abesafike asabalala naso sonkhe leso Sigodzi semaRefa.

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Numeri 13:28

Kodvwa bantfu labahlala kulelive banemandla, nemadolobha akhona atinqaba kantsi futsi makhulu kakhulu. Sabona ngisho netitukulwane ta-Anaki khona lapho.

Dutheronomi 1:28

Siyaphi nje? Labanaketfu sebasesabisile, batsi: “Bantfu bakhona bacinile, kantsi futsi badze kunatsi; emadolobha abo makhulu, futsi atinqaba, netibondza tawo tiphakeme taze tatsintsa sibhakabhaka. Sabona ngisho nemadvodzana a-Anaki khona lapho.” ’

Dutheronomi 2:10

Ema-Emi abehlala lapho. Lesi bekusive lesasinemandla, kantsi sasisinyenti; sasisidze njengema-Anaki.

Dutheronomi 2:11

Naso sasatiwa kutsi singemaRefa njengawo ema-Anaki; kodvwa emaMowabi abesibita ngekutsi ngema-Emi.

Dutheronomi 2:21

Bekusive lesasinemandla, kantsi futsi sasisinyenti, futsi sisidze njengema-Anaki, kodvwa Simakadze wawabhubhisa. Kwefika ema-Amoni acosha lamaRefa, kwase kwakha wona kulelo live.

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

Dutheronomi 9:2

Labantfu banemandla, kantsi futsi badze, bangema-Anaki. Niyabati labo bantfu futsi nise neva ngabo kutsiwa: ‘Ngubani longamelana nema-Anaki?’

Joshuwa 11:22

Kute ema-Anaki lasala akhona eveni laka-Israyeli; insali yawo yabaseGaza, naseGathi, nase-Ashdodi.

Joshuwa 15:14

Kusukela eHebroni Khalebi wesuka wacosha lama-Anaki lamatsatfu: boSheshayi, na-Ahimani, naThalmayi, titukulwane ta-Anaki.

1 Samuweli 17:7

Lutsi lwalesikhali lwalungangelipulango lembongolo yemeluki; emadlebe aso ensimbi abenesisindvo lesasingemakhilogremu labengaba sikhombisa. Ludzibi lwekwetfwala lihawu lakhe lwaluhamba embikwakhe.