2 Samuweli 21:15 - Siswati 1996 Bible

¹⁵ Kwaphindza futsi kwabhedvuka imphi emkhatsini wemaFilisti nema-Israyeli. Davide wehla kanye nemabutfo akhe wayakulwa nemaFilisti. Kwatsi kulesinye siwombe Davide wase uyadzinwa.

2 Samuweli 21:15 Referencias Cruzadas

2 Samuweli 21:16

Lesinye setichwaga takaRefa lekwakutsiwa ngu-Ishbi Benobi sasiphetse sikhali selitfusi lesasinesisindvo lesingemakhilogremu labengaba matsatfu nencenye, sihlome ngenkemba lensha; sasicabanga kutsi sitambulala Davide.

2 Samuweli 5:17

Atsi kube emaFilisti eve kutsi Davide sewugcotjwe kutsi abe yinkhosi yema-Israyeli, esusa lomkhulu umkhankhaso wekuyakumfuna, kodvwa Davide weva ngaloko, wabe sewuyehla uya enqabeni.

2 Samuweli 5:22

Aphindza futsi emaFilisti enyuka asabalala naso sonkhe leso Sigodzi semaRefa.

2 Samuweli 5:25

Ngako Davide wenta loko Simakadze labemyale ngako kutsi akwente, emaFilisti wawabulala yonkhe indlela kusukela eGibeyoni kuze kufike eGezeri.

2 Samuweli 8:1

Kwatsi emvakwaloko, Davide wahlasela emaFilisti, wawehlula, wawemuka emandla ekutibusa wona eveni, watsatsa neMethegi Ama, wayikhipha ekubusweni ngemaFilisti.

1 Tikhronike 20:4

Kwaphindza futsi kwabhedvuka lenye imphi emkhatsini wemaFilisti nema-Israyeli eGezeri. Ngaleso sikhatsi Sibhekayi, waseHusha, wabulala lesinye sichwaga lekwakutsiwa nguSiphayi, lomunye webatukulu baRefa; ngako emaFilisti entiwa aba tisebenti tema-Israyeli.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Tihlabelelo 71:9

Ungangilahli esikhatsini sebudzala bami, ungangikhohlwa nase ngiphelelwa ngemandla.

Tihlabelelo 73:26

Nome umtimba nemphefumulo wami kwehluleka, kodvwa Nkulunkulu ulidvwala lenhlitiyo yami, nesabelo selifa lami ingunaphakadze.

Umshumayeli 12:3

Ngaleso sikhatsi balindzi bendlu bayawutfutfumela, nemadvodza lanemandla ayawutfotfobala, lapho basili bayakuyekela kusila, ngobe nalabo basili bayawube sebambalwa; nalabo labalunguta ngemafasitelo bangabe basahlola;