2 Samuweli 20:9 - Siswati 1996 Bible

⁹ Jowabe wakhuluma ku-Amasa, watsi: “Unjani, mnaketfu?” Jowabe wadvonsa Amasa ngesilevu ngesandla sakhe sekudla kutsi atemanga.

2 Samuweli 20:9 Referencias Cruzadas

2 Samuweli 15:5

Lokunye kwakutsi nome ngubani lota kutawukhotsama embikwakhe, Absalomu elule sandla sakhe, ambambe, bese uyamanga.

2 Samuweli 17:25

Absalomu abesabeke Amasa kutsi abe yindvuna yemabutfo akhe esikhundleni saJowabe. Amasa abengumsa walenye nje indvodza lekwakutsiwa nguJetheri libito layo, yayingum-Israyeli; unina wa-Amasa bekungu-Abigayili, indvodzakati yaNahashi, dzadzewaboSeruya, unina waJowabe.

2 Samuweli 18:29

Inkhosi yabuta yatsi: “Unjani umfana Absalomu?” Ahimasi waphendvula watsi: “Nkhosi, ngesikhatsi inceku yakho Jowabe ingitfuma, ngibone kudzidzitela lokukhulu, kodvwa angati kutsi bekudzidziteliswani.”

2 Samuweli 3:27

Watsi kube Abneri efike eHebroni, Jowabe wamdvonsela nganhlanye esangweni, kwaba shangatsi kukhona lafuna kutsi akukhulume ngasemasitseleni. Khona lapho, wabe sewumgwaza esiswini, wafa. Ngako Abneri wabulawelwa kutsi naye abebulale Asaheli, umnakaboJowabe.

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Taga 26:23

Njengeludziwo loluhucwe ngesiliva, anjalo emavi ekuyengana laphuma emlonyeni lonenhlitiyo lembi.

Taga 27:6

Umngani usuke atimisele lokuhle ngawe, nome akulimatile; kodvwa ubocaphela ingoti, nangabe sitsa sakho sikwanga kanyenti.

Jeremiya 41:2

Ishmayeli, umsa waNethaniya, kanye nalamadvodza lalishumi labenawo asukuma akhipha tinkemba tawo abulala Gedaliya, umsa wa-Ahikamu, umsa waShafani. Gedaliya abebekwe yinkhosi yaseBhabhulona, kutsi abe ngumbusi welive.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Tikhulu 3:15

Aphindza futsi ema-Israyeli akhala kuSimakadze, wase ubapha umkhululi, Ehudi, labelancele, umsa waGera, wesive sakaBhenjamini. Ema-Israyeli amtfumela netetfulo ku-Egloni, inkhosi yakaMowabi.