2 Samuweli 20:21 - Siswati 1996 Bible

²¹ Akusiyo injongo yetfu leyo. Kukhona indvodza lekutsiwa nguSheba, umsa waBikri, wekutalwa eveni letintsaba kulaka-Efrayimu, uphakamisele inkhosi sandla, wavukela Davide. Khiphani lowo muntfu, yena yedvwa, ngitawube sengiyaliyekela-ke lelidolobha.” Lomfati watsi kuJowabe: “Sitanijikela inhloko yakhe lapha etulu elubondzeni.”

2 Samuweli 20:21 Referencias Cruzadas

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

2 Samuweli 20:2

Ngako onkhe emadvodza aka-Israyeli amhlubuka Davide alandzela Sheba, umsa waBikri. Kodvwa emadvodza akaJuda wona onkhe asala anamatsele enkhosini yawo Davide, ahamba nayo kusukela eJordane kuze kuyewufika eJerusalema.

2 Samuweli 20:20

Jowabe waphendvula watsi: “Akube khashane nami! Akube khashane nami kumita nekubhubhisa!

2 Samuweli 23:18

Abishayi, umnakaboJowabe, umsa waSeruya, abengumholi walaba labangema-30. Wagwaza ngesikhali sakhe, alwa nemadvodza langema-300 wawabulala onkhe, waze wadvuma kakhulu njengaletingwazi letingema-30.

1 Emakhosi 11:26

Jerobowamu, umsa waNebati, naye futsi wavukela Solomoni, inkhosi. Yena abengulomunye wetindvuna taSolomoni, awaka-Efrayimu waseSereda, unina bekungulomfelokati lekwakutsiwa nguSeruya.

2 Emakhosi 10:7

Ngalesikhatsi kufika lencwadzi, labaholi batsatsa lamadvodzana aka-Ahabi langema-70 bawasontsa onkhe. Batsatsa letinhloko tawo batifaka etitjeni batitfumela kuJehu, eJezreyeli.

2 Emakhosi 5:22

Gehazi waphendvula, watsi: “Cha, kute lokonakele, konkhe kuhamba kahle; intfo nje, inkhosi yami ingitfume kuwe kutsi ngibofike ngitsi: ‘Emajaha lamabili labephuma kulabanye baphrofethi efike lapha kulaka-Efrayimu. Ngicela kutsi ubanike tinhlavu tesiliva letingemakhilogremu langaba ngema-34 netimphahla letinhle letimbili tekuntjintja.’ ”

Jeremiya 4:15

Liphimbo liyamemetela lichamuka kaDani, limemetela inhlekelele lesuka emagcumeni aka-Efrayimu.

Jeremiya 50:19

Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Joshuwa 24:33

Eleyazare, umsa wa-Aroni, wafa wangcwatjwa eGibeya, live lelalabelwe umsa wakhe, Finehasi, eveni letintsaba kulaka-Efrayimu.

Tikhulu 2:9

Bamngcwaba eveni lelalisabelo sakhe eThimnathi Heresi, eveni letintsaba kulaka-Efrayimu, enyakatfo neNtsaba iGashi.

Tikhulu 7:24

Gideyoni wakhipha tigijimi kulo lonkhe live letintsaba laka-Efrayimu, watsi: “Yehlani nihlasele emaMidiyani, niyekuwavimbetela etindzaweni tonkhe temanti nasematubukweni emfula iJordane asengakefiki, nize niyewufika eBhethi Bhara.” Ngako onkhe emadvodza aka-Efrayimu amenyetwa ahamba ayawuvimba tonkhe tindzawo letatinemanti nasematubukweni emfula iJordane, kuze kuyewufika eBhethi Bhara;

Tikhulu 9:55

Ema-Israyeli atsi kube abone kutsi Abimeleki sewufile, aphuma atibuyelela ekhaya.

1 Samuweli 24:6

Wakhuluma kulamabutfo akhe, watsi: “Simakadze akakutsandzi kutsi ngente intfo lenje enkhosini yami, lengulogcotjiwe waSimakadze, ngiphakamise sandla sami etikwayo, ngobe ingulogcotjiwe waSimakadze.”

1 Samuweli 26:9

Kodvwa Davide wakhuluma ku-Abishayi, watsi: “Ungacali umbulale! Ngubani nje longabeka sandla kulogcotjiwe waSimakadze ajinge angabi nacala?