2 Samuweli 20:19 - Siswati 1996 Bible

¹⁹ Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

2 Samuweli 20:19 Referencias Cruzadas

Genesisi 18:23

Abrahama wasondzela kuSimakadze watsi: “Uyawubabhubhisa ngempela yini labalungile kanye nalababi?

2 Samuweli 14:16

Mhlawumbe inkhosi itawuvuma kukhulula incekukati yayo esandleni semuntfu lowetama kubhubhisa mine nendvodzana yami asilahlise lelifa Nkulunkulu lasipha lona.’

2 Samuweli 17:16

Manje-ke phutfumisani umbiko masinyane nitjele Davide, nitsi: ‘Ungacali ulale lapha enkambu ebusuku, lapho ehlane, yewelela ngesheya nome kanjani; ngaphandle kwaloko, inkhosi kanye nabo bonkhe bantfu bayo, batawubhujiswa lamuhla nje.’ ”

2 Samuweli 20:18

Lomfati wachubeka watsi: “Lokwa kadzeni babevamise kutsi: ‘Hamba ulandze imphendvulo yakho e-Abela,’ bebavele bente njalo, kube kuphela kwendzaba njalo.

2 Samuweli 20:20

Jowabe waphendvula watsi: “Akube khashane nami! Akube khashane nami kumita nekubhubhisa!

2 Samuweli 21:3

Davide wabuta emaGibeyoni watsi: “Nginganentelani? Ngifuna kwenta inhlawulo yekubuyisana nani ngenca yaloko lokubi lokwentiwa kini, kuze nani nibusise sive saSimakadze.”

1 Emakhosi 8:53

Ngobe wena wabakhetsa emkhatsini wato tonkhe tive temhlaba kutsi babe lifa lakho, njengobe washo ngenceku yakho Mosi, mzukwana wena, Somandla Simakadze, ukhipha bobabemkhulu eveni laseGibhithe.”

Tihlabelelo 106:5

kuze ngibone kuchuma kwalabakhetsiwe bakho, ngitfokote ekujabuleni kwesive sakho, ngitigabise kanye nalabalifa lakho.

Tihlabelelo 124:3

ngabe basigwinye siva ngekuvutsa kwelulaka lwabo;

Tihlabelelo 33:12

Sibusisiwe leso sive lesiNkulunkulu waso kunguSimakadze, sive latikhetsele sona kutsi sibe lifa lakhe.

Tihlabelelo 78:71

nasekunakekeleni timvukati nemazinyane ato, kutsi atekwelusa bakaJakobe, sive sakhe, yebo, baka-Israyeli labalifa lakhe.

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Sililo 2:16

Tonkhe titsa takho tikukhamisela imilomo lemikhulu. Tiyancifa tigugudze imihlatsi titsi: “Lidolobha sesilimitile. Leli lilanga lebesivele sililindzele, besihlalele kubona lona.”

Sililo 2:2

Simakadze ushwabudzele onkhe emakhaya akaJakobe, ngaphandle kwekuwahawukela. Ngelulaka lwakhe udladlabule tinqaba teNdvodzakati yakaJuda. Uwehlisele phansi emhlabatsini ngelihlazo umbuso wayo kanye netikhulu tayo.

Sililo 2:5

Simakadze unjengesitsa; umgwinyile Israyeli. Ugwinye tonkhe tigodlo takhe, wabhubhisa tinqaba takhe. Wandzise kulila nekukhala kabuhlungu kuyo iNdvodzakati yakaJuda.

Numeri 16:32

wakhamisa umlomo wawo, wabamita kanye nemindeni yabo, nawo onkhe emadvodza labebalandzeli baKhora, nako konkhe lokwakukwawo.

Numeri 26:10

Umhlaba wakhamisa wabagwinya bonkhe naKhora, balandzeli bakhe labafa ngesikhatsi umlilo ubhubhisa emadvodza langema-250, baba luphawu lwesecwayiso.

1 kubaseKorinthe 15:54

Nangabe loko lokubolako sekwembetse kungaboli, naloku lokufako sekwembetse kungafi, kutawube sekugcwaliseke livi lelibhaliwe lelitsi: “Kufa kumitwe kuncoba.”

2 kubaseKorinthe 5:4

Ngobe nasisekulo lelidlangala lelingumtimba wetfu, siyabubula sikhale ngaphansi kwemtfwalo. Asifuni kuwushiya lomtimba lomdzala, kodvwa sifuna kwemukela kuphephela kulomusha, kuze kutsi loko lokubhubhako kumitwe kuphila.

Dutheronomi 20:10

“Nanikhuphuka kuyawuhlasela lidolobha, nibocale nibabekise phansi tikhali tabo labo bantfu labakulo.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

1 kuThimothi 2:2

Khulekelani emakhosi nabo bonkhe labasetikhundleni letiphakeme, khona sitewuphila imphilo yekuthula, ngekwesaba Nkulunkulu nangako konkhe kuhlonipheka.

Tikhulu 5:7

Emakhaya kwakukhala libhungane, kwaze kwavuswa mine, Debhora, ngavuka njengenina wesive sema-Israyeli.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 26:19

Nkhosi! Inkhosi yami ayilalele emavi enceku yayo. Nangabe nguSimakadze lokutjotjotele kutsi ungibulale, kulungile-ke, akawutsatse lowo mnikelo. Kodvwa noko nangabe loko kwentiwe bantfu, ababe ngulabacalekisiwe kuSimakadze! Manje sebangikhiphile eveni lekusabelo sami, efeni laSimakadze, batsi: ‘Hamba uyewukhonta labanye bonkulunkulu.’