2 Samuweli 20:16 - Siswati 1996 Bible

¹⁶ kwamemeta umfati lohlakaniphile angekhatsi edolobheni, watsi: “Lalelani! Lalelani! Tjelani Jowabe kutsi akete lapha ngitewukhuluma naye.”

2 Samuweli 20:16 Referencias Cruzadas

2 Samuweli 14:2

Ngako Jowabe wabe sewutfumela umuntfu eThekhowa, kutsi alandze umfati lohlakaniphile khona. Jowabe wakhuluma kulomfati watsi: “Tentise kube shangatsi uzilile. Yembatsa inzilo, ungacali utisebentise tinongo temtimba. Ubotentisa kube shangatsi lomuntfu lofile sewumzilele sikhatsi lesidze.

2 Samuweli 20:17

Jowabe waya kuye. Lomfati wambuta watsi: “Nguwe kambe, Jowabe?” Jowabe watsi: “Nginguye.” Lomfati watsi: “Lalela-ke kutsi incekukati yakho itsini.” Jowabe watsi: “Ngilalele.”

2 Samuweli 20:22

Lomfati wase uya kulamadvodza labenawo nalelisu lakhe lelihlakaniphile, base bajuba inhloko yaSheba, umsa waBikri, bayiphosela Jowabe basetulu elubondzeni. Ngako Jowabe wase ushaya impalampala kutsi emabutfo asale aliyekela lelidolobha. Ngulowo nalowo watibuyelela ekhaya kakhe, naJowabe wabuyela emuva eJerusalema enkhosini.

Danyela 2:14

Kwatsi ngesikhatsi Ariyoki, indvuna yabomahlalesangweni benkhosi, asahambile kuyawubulala tati taseBhabhulona, Danyela wakhuluma kuye ngekuhlakanipha lokukhulu nangekucophelela.

1 Samuweli 25:3

Libito layo lendvodza bekunguNabali, kantsi umkayo bekungu-Abigayili. Lomkakhe abehlakaniphile amuhle, kodvwa lendvodza yayingumKhalebi losibheva lesibi.