2 Samuweli 20:13 - Siswati 1996 Bible

¹³ Kwatsi kube simbonywe sidvumbu sa-Amasa, sesisusiwe lapha emgwacweni, bonkhe bantfu bachubekela embili naJowabe, bacoshana naSheba, umsa waBikri.

2 Samuweli 20:13 Referencias Cruzadas

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

2 Samuweli 20:11

Lomunye welibutfo lakaJowabe wema eceleni kwesidvumbu sa-Amasa, watsi: “Wonkhe lohambisana naJowabe, naye wonkhe lowakaDavide, akalandzele Jowabe!”

2 Samuweli 20:14

Sheba wagangalata watendlula tonkhe tifundza tetive tema-Israyeli, waze wayawufika edolobheni lase-Abela Bhethi Makha akanye nabo bonkhe bendlu yakaBeri lababutsana ndzawonye nabo bashulungana balandzela Sheba, baze bayawungena naye edolobheni.

2 Emakhosi 18:17

Inkhosi yase-Asiriya yatfumela khenela wayo, nendvuna yemabutfo, nendvuna lenkhulu yemphi kanye nalelikhulu libutfo lemphi, lelesuka eLakhishi yaya enkhosini, Hezekiya, eJerusalema. Lemphi yefika eJerusalema yakanekisa emseleni wesitiba lesisenhla, emgwacweni loya eNsimini yeMgezi Wetingubo.

Taga 16:17

Bantfu labalungile bahamba ngendlela lekugegako lokubi, ngekwenta loko basuke baphephisa timphilo tabo.

Isaya 36:2

Inkhosi yase-Asiriya yase itfumela indvuna yayo lenkhulu yemphi kanye nalelikhulu libutfo lemphi lelesuka eLakhishi, laya enkhosini Hezekiya eJerusalema. Kwatsi lendvuna lenkhulu yemphi nayima ngasemseleni wesitiba lesisenhla, emgwacweni loya eNsimini yeMgezi Wetingubo,

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Isaya 7:3

Simakadze wakhuluma ku-Isaya, watsi: “Phuma wena nemsa wakho Sheyari Jashubi niyewuhlangabeta Ahazi ngasemseleni wesitiba lesisenhla, emgwacweni loya eNsimini yeMgezi Wetingubo.

Jeremiya 31:21

“Beka timphawu temgwaco; umise tinsika letitikhombandlela. Wunake umgwaco lomkhulu, yebo, umgwaco lohamba ngawo. Ncandzeka, Ntfombi lengu-Israyeli, buyela emadolobheni akho.

Numeri 20:19

Ema-Israyeli aphendvula, atsi: “Sitawuhamba ngemgwaco lomkhulu, nangabe tifuyo tetfu natsi sinatse emitfonjeni yenu, sitanikhokhela. Tsine sifuna kumane sendlule nje ngetinyawo, hhayi lokunye.”

Makho 10:46

Befika eJerikho. Jesu nase aphuma khona kanye nebafundzi bakhe, nesicuku lesikhulu sebantfu, Bhathimeyosi, imphumphutse, umsa waThimeyosi, abehleti ngasemgwacweni acela kuphiwa.

Tikhulu 21:19

Bachubeka batsi: “Bukani la, kukhona umkhosi waSimakadze eShilo logujwa kanye ngemnyaka, ngasenyakatfo yaseBetheli, emphumalanga nemgwaco lomkhulu lowendlula eBetheli ucondze eShekhemu, ngaseningizimu yeLebona.”

1 Samuweli 6:12

Letinkhomo tahamba tacondza ngco eBhethi Shemeshi, takhuphuka ngemgwaco, tingaphambuki ndzawo, tihambe tibhonsa yonkhe indlela; atizange tiphambukele ngesekudla nome ngesancele. Babusi bemaFilisti babenguloku batibukile batilandzela ngemuva, taze tayawufika emnyeleni waseBhethi Shemeshi.