2 Samuweli 20:12 - Siswati 1996 Bible

¹² Amasa wasala abhabha engatini yakhe ekhatsi emgwacweni, lendvodza yase iyabona kutsi onkhe lamabutfo efike eme lapho. Watsi kube abone kutsi bonkhe befike beme lapha ku-Amasa, wase uyamhudvula, amsusa lapha emgwacweni wamhudvulela esigangeni, wase ummbonya ngengubo.

2 Samuweli 20:12 Referencias Cruzadas

2 Samuweli 17:25

Absalomu abesabeke Amasa kutsi abe yindvuna yemabutfo akhe esikhundleni saJowabe. Amasa abengumsa walenye nje indvodza lekwakutsiwa nguJetheri libito layo, yayingum-Israyeli; unina wa-Amasa bekungu-Abigayili, indvodzakati yaNahashi, dzadzewaboSeruya, unina waJowabe.

2 Samuweli 2:23

Kodvwa Asaheli akayekelanga kumcosha ngemuva; ngako Abneri wagucuka wamgwaza ngesikhali sakhe esiswini, saze saphumela ngemuva. Wawela phansi, wafa khona lapho. Bonkhe babefike beme lapho Asaheli abewele khona, wafa.

2 Samuweli 20:11

Lomunye welibutfo lakaJowabe wema eceleni kwesidvumbu sa-Amasa, watsi: “Wonkhe lohambisana naJowabe, naye wonkhe lowakaDavide, akalandzele Jowabe!”

2 Samuweli 20:13

Kwatsi kube simbonywe sidvumbu sa-Amasa, sesisusiwe lapha emgwacweni, bonkhe bantfu bachubekela embili naJowabe, bacoshana naSheba, umsa waBikri.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.