2 Samuweli 20:1 - Siswati 1996 Bible

¹ Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

2 Samuweli 20:1 Referencias Cruzadas

Genesisi 46:21

Emadvodzana aBhenjamini bekuboBela, naBekheri, na-Ashbeli, naGera, naNamani, na-Ehi, naRoshe, naMuphimi, naHuphimi, na-Adi.

2 Samuweli 15:10

Absalomu wase utfumela titfunywa latiphatsisa imfihlo kuto tonkhe tive taka-Israyeli. Letitfunywa tatimemetela titsi: “Naniva kukhala kwemacilongo, nibotsi ‘Absalomu yinkhosi eHebroni.’ ”

2 Samuweli 16:11

Davide wakhuluma ku-Abishayi nakuto tonkhe tindvuna takhe, watsi: “Indvodzana yami lephuma elukhalweni lwami, ngiyo lefuna kungibulala. Kangakanani-ke lomBhenjamini! Myekeleni anjalo, akachubeke angicalekise, ngobe utjelwe nguSimakadze kutsi akakwente.

2 Samuweli 16:7

Shimeyi wamcalekisa watsi: “Suka la! Hamba la, jabhane-ndzini! Lesigebengu lesi!

2 Samuweli 18:17

Atsatsa sidvumbu sa-Absalomu asijika esihholweni ehlatsini, ambonya lesihholo ngendvundvuma yematje. Ngaleso sikhatsi onkhe ema-Israyeli labehamba na-Absalomu abaleka abuyela emakhaya awo.

2 Samuweli 20:2

Ngako onkhe emadvodza aka-Israyeli amhlubuka Davide alandzela Sheba, umsa waBikri. Kodvwa emadvodza akaJuda wona onkhe asala anamatsele enkhosini yawo Davide, ahamba nayo kusukela eJordane kuze kuyewufika eJerusalema.

2 Samuweli 20:22

Lomfati wase uya kulamadvodza labenawo nalelisu lakhe lelihlakaniphile, base bajuba inhloko yaSheba, umsa waBikri, bayiphosela Jowabe basetulu elubondzeni. Ngako Jowabe wase ushaya impalampala kutsi emabutfo asale aliyekela lelidolobha. Ngulowo nalowo watibuyelela ekhaya kakhe, naJowabe wabuyela emuva eJerusalema enkhosini.

2 Samuweli 23:6

Kodvwa bonkhe lababi bayawulahlwa njengemanyeva, wona angabutfwa ngesandla.

1 Emakhosi 12:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena mndeni waDavide!” Ngako ema-Israyeli esuka lapho abuyela emathendeni awo.

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

2 Tikhronike 10:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena muti waDavide!” Ngako ema-Israyeli esuka onkhe atibuyelela emathendeni awo.

2 Tikhronike 10:6

Inkhosi Rehobowamu yahamba yayawutsatsisa kubantfu labadzala lababekadze basebenta neyise Solomoni aseyinkhosi, yafike yabuta yatsi: “Nine ningangeluleka kutsi ngibaphendvule ngitsini labantfu?”

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Taga 25:8

Ungasheshi uye enkantolo ngaloko lokubonile, ngobe nase kuphele lelicala lomunye wafakaza wakwenta silima, utawube sewentani-ke?

Taga 26:21

Emalahle enta umlilo ukhehleke, tinkhuni tivutsisa umlilo, nemuntfu welutfutfuva ubhedla inkhani.

Makho 3:24

Nangabe umbuso wehlukene ekhatsi, lowo mbuso ngeke ume.

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Johane 13:8

Phetro watsi kuye: “Nkhosi, ungeke ugeze tinyawo tami nekadzeni.” Jesu wamphendvula watsi: “Nangingatigezi tinyawo takho, ute budlelwane nami.”

Dutheronomi 13:13

kutsi sekuvele bantfu lababi emkhatsini wenu baphambukisa bantfu balelo dolobha labo babedukise batsi: ‘Asambe siyewukhonta labanye bonkulunkulu,’ leningazange senibati,

Tikhulu 19:22

Batsi basachubeka nekudla, batijabulisa, lamanye emadvodza labetidlova takulelo dolobha atseleka, abavimbetela kulendlu. Agunkluta lesivalo salendlu, abememeta lelikhehla, umnikati walendlu, atsi: “Khipha lendvodza lengenise lapha kakho, sifuna kulala nayo.”

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.

Ruthe 2:3

Ngako-ke Ruthe wahamba wayawukhwimita emasimini emvakwebavuni. Kwenteka wangena ensimini leyayiyakaBowazi. Bowazi abewelusendvo lwaka-Elimeleki.

1 Samuweli 13:2

Sawula wakhetsa emadvodza aka-Israyeli lati-3 000; lati-2 000 abenaye eMikmashi naseveni letintsaba laseBetheli, kwatsi inkhulungwane yaba naJonathani eGibeya yakaBhenjamini. Lawa lamanye emadvodza wawancandzekisa, aya emakhaya awo.

1 Samuweli 2:12

Emadvodzana a-Eli abengemadvodza lakhohlakele; abengenandzaba naSimakadze.

1 Samuweli 30:22

Kodvwa bonkhe lababenetinhlitiyo letimbi nalabanelutfutfuva emkhatsini walaba lababeta naDavide batsi: “Singeke sibacetunele imphango lesiyiphangile, ngobe abakahambi natsi kuyakulwa. Noko nguleyo naleyo ndvodza sitayinika umfati wayo nebantfwabayo, ihambe.”