2 Samuweli 2:26 - Siswati 1996 Bible

²⁶ Abneri wamemeta Jowabe, watsi: “Kufanele sichubeke nekulwa siphelane yini? Awuboni ngani kutsi loku kuyawugcina sekumunyu? Lamadvodza akakho utawatjela nini kutsi akakuyekele lokucosha bomnakabo ngemuva?”

2 Samuweli 2:26 Referencias Cruzadas

2 Samuweli 11:25

Davide watsi kulesitfunywa: “Ubofike utjele Jowabe utsi: ‘Kungakujabhisi loku; umkhonto udla umuntfu njengalomunye. Cinisa kakhulu uhlasele lelo dolobha ulibhubhise.’ Khuluma loko ukhutsate Jowabe.”

2 Samuweli 2:14

Abneri wakhuluma kuJowabe, watsi: “Ake sivulele lamajaha alwe, embikwetfu sibuka.” Jowabe watsi: “Kulungile, ase balwe.”

2 Samuweli 2:16

Lelo nalelo jaha labamba lelo lelicondzene nalo ngenhloko laligwaza ngenkemba emhlubulweni, awa phansi kanyekanye. Ngako lendzawo yaseGibeyoni yetsiwa libito kwatsiwa yiHelkathi Hasurimu.

2 Samuweli 2:25

Ngako emadvodza akaBhenjamini abutsana ndzawonye emvakwa-Abneri. Aba sicumbi, abese ema esicongweni seligcuma.

2 Samuweli 2:27

Jowabe waphendvula watsi: “Ngifunga kuphila kwaNkulunkulu, ngitsi kube awukakhulumi, lamadvodza akami abetawuchubeka nekunicosha, kuze kube ngukusasa ekuseni.”

Jobe 18:2

“Utawuticedza nini letinkhulumo? Ase ubuyise ingcondvo, sitabe sesiyakhuluma-ke.

Jobe 19:2

“Nitangivisa buhlungu kuze kube ngunini, solo ningishushumbisa ngemavi labuhlungu?

Tihlabelelo 4:2

Madvodza! Kuyawuze kube ngunini libito lami linyembenywa? Kuyawuze kube ngunini nitfungatsa lite nilandzelana nemanga? Cabanga.

Taga 17:14

Kususa incabano kufanana nekubhobosa imbobo emantini lavalelwe; kufanele ivalwe lembobo emanti asengakayandzisi.

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 4:21

Sekuyawuze kube ngunini solomane ngibuka lesiboniso semphi, ngilalele umsindvo welicilongo?

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Jeremiya 46:14

“Memetelani loku eGibhithe, nikwatise futsi naseMigdoli; kumemeteleni futsi naseMemfisi kanye naseThaphanesi, nitsi: ‘Manini ngetigaba tenu nilungele, ngobe inkemba iyawudla labo labanitungeletile.’

Hoseya 11:6

Kuyawuba bumanyamanya betinkemba emadolobheni abo, tiyawubhidlita imicabo yetinsimbi yemasango abo, tiwacedze emacebo abo.

Imisebenti yebaPhostoli 7:26

Ngakusasa wabona ema-Israyeli lamabili alwa, wetama kuwalamula. Watsi kubo: ‘Madvodza, lalelani la, nine nibandzawonye, nibangani?’