2 Samuweli 2:18 - Siswati 1996 Bible

¹⁸ Emadvodzana aSeruya lamatsatfu abelapho, boJowabe na-Abishayi kanye na-Asaheli. Asaheli abegijimisa kwenyamatane yesiganga.

2 Samuweli 2:18 Referencias Cruzadas

2 Samuweli 1:23

“Sawula naJonathani basaphila babetsandvwa, baligugu, nasekufeni abazange behlukane. Bebanematubane kwendlula emangce, bebanemandla kwendlula emabhubesi.

2 Samuweli 14:1

Jowabe, umsa waSeruya, abati kutsi inhlitiyo yenkhosi yayincokombele Absalomu.

2 Samuweli 2:19

Wacosha Abneri, wacondzana naye; abengajikeli ngesekudla nome ngesancele, asamcosha.

2 Samuweli 22:34

Wenta tinyawo tami tibe lula njengetenyamatane, angente ngiphephele ekuphakameni.

2 Samuweli 23:24

Kuletingwazi letatingema-30 kwakunalaba: Asaheli, umnakaboJowabe, na-Eli Hanani, umsa waDodo, waseBhetlehema,

1 Emakhosi 2:5

“Manje-ke, uyati kutsi Jowabe, umsa waSeruya, wentani kimi, nekutsi wentani kuletindvuna temphi letimbili bo-Abneri, umsa waNeri, na-Amasa, umsa waJetheri. Wababulala, wacitsa ingati yabo, kwaba shangatsi ngusemphini, kantsi bekusikhatsi sekuthula. Ngaleyo ngati yabo wabhoca ngayo libhande lakhe elukhalweni kanye neticatfulo takhe.

1 Tikhronike 11:26

Letingwazi bekunguleti: Asaheli, umnakaboJowabe, na-Eli Hanani, umsa waDodo, waseBhetlehema,

1 Tikhronike 12:8

Labanye besive sakaGadi bahlephuka balandzela Davide ngesikhatsi asenqabeni ehlane. Bekutingwazi letatinesibindzi, letatilungele kulwa imphi, tikwati ngisho nekubamba lihawu nesikhali. Buso bato bekubuso bemabhubesi, kantsi futsi tatigijima ngekushesha lokukhulu njengetinyamatane tetintsaba.

1 Tikhronike 12:9

Ezeri abesikhulu, Obadiya elama yena ngesikhundla, wesitsatfu kungu-Eliyabe,

1 Tikhronike 27:7

Asaheli, umnakaboJowabe, abephetse libutfo lesine ngenyanga yesine. Zebadiya, umsa wa-Asaheli, watsatsa sikhundla sakhe emvakwakhe. Babengemadvodza lati-24 000 kulelibutfo lakakhe.

Tihlabelelo 18:33

Wenta tinyawo tami tibe lula njengetenyamatane, angente ngiphephele ekuphakameni.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Ingoma Yetingoma 2:17

Kuze kudzabuke kusa, kubaleke titfunti, buya, wena longitsandzako, bani njengemphala nanjengemgankla losemncane nawusemagcumeni langemahhelekehle.

Ingoma Yetingoma 8:14

Phumela ebaleni, wena longitsandzako, bani njengemgankla, nome-ke njengelizinyane lenyamatane, etintsabeni letigcwele emakha.

Amose 2:14

Nalabagijima ngematubane bangeke baphunyule, nalabanemandla bangeke bakhone kuwagcogca emandla abo, kanjalo nelichawe lingeke liyisindzise imphilo yalo.

Habakhuki 3:19

Simakadze loyiNkhosi ungemandla ami; wenta tinyawo tami tibe njengetenyamatane, ungenta ngihambe ngiphephile etindzaweni letiphakeme. Lemhlabelisi wetemiculo. Elugujini lwami lolunetintsambo.

1 Samuweli 26:6

Davide wabuta ku-Ahimeleki, umHethi, na-Abishayi, umsa waSeruya, umnakaboJowabe, watsi: “Ngubani lotakwehla nami siye lapha enkambu kuSawula?” Abishayi waphendvula watsi: “Mine ngitawuhamba nawe.”