2 Samuweli 2:14 - Siswati 1996 Bible

¹⁴ Abneri wakhuluma kuJowabe, watsi: “Ake sivulele lamajaha alwe, embikwetfu sibuka.” Jowabe watsi: “Kulungile, ase balwe.”

2 Samuweli 2:14 Referencias Cruzadas

2 Samuweli 2:15

Ngako asukuma abalwa, kwaba ngemadvodza lali-12 akaBhenjamini na-Ishboshethi, umsa waSawula, kwatsi lali-12 aba ngakaDavide.

2 Samuweli 2:16

Lelo nalelo jaha labamba lelo lelicondzene nalo ngenhloko laligwaza ngenkemba emhlubulweni, awa phansi kanyekanye. Ngako lendzawo yaseGibeyoni yetsiwa libito kwatsiwa yiHelkathi Hasurimu.

2 Samuweli 2:17

Ngalelo langa imphi yayesabeka kakhulu, Abneri nemadvodza aka-Israyeli behlulwa ngemadvodza akaDavide.

2 Emakhosi 14:8

Amasiya wase utfumela tigijimi kuJehoyashi, umsa waJehoyahazi, umsa waJehu, inkhosi yaka-Israyeli, wamnika insayeya watsi: “Wota, sitewubhekana buso nebuso.”

Taga 10:23

Injabulo yesilima isekwenteni lokubi; kodvwa injabulo yemuntfu lonekucondza isekutfoleni kuhlakanipha.

Taga 17:14

Kususa incabano kufanana nekubhobosa imbobo emantini lavalelwe; kufanele ivalwe lembobo emanti asengakayandzisi.

Taga 20:18

Yenta tinhloso takho ngekutfola teluleko letilungile; ungacali uhlasele emphini ungenamasu.

Taga 25:8

Ungasheshi uye enkantolo ngaloko lokubonile, ngobe nase kuphele lelicala lomunye wafakaza wakwenta silima, utawube sewentani-ke?