2 Samuweli 19:19 - Siswati 1996 Bible

¹⁹ watsi: “Nkhosi! Ngicela inkhosi yami ibukhohlwe bonkhe bubi bami lengabenta ngalela langa, mhlazane iphuma eJerusalema. Shangatsi inkhosi ingakukhipha loko engcondvweni yayo.

2 Samuweli 19:19 Referencias Cruzadas

2 Samuweli 13:20

Absalomu, umnakabo, watsi: “Bewuna-Amnoni, umnakenu, yini? Bindza dzadzewetfu; ungumnakenu. Lentfo ungayifaki kakhulu enhlitiyweni.” Ngako Thamari wahlala endlini ya-Absalomu aselusizini lolukhulu.

2 Samuweli 13:33

Inkhosi yami ayingatihluphi ngekunaka lombiko lotsi onkhe emadvodzana enkhosi afile. Ngu-Amnoni kuphela lofile.”

2 Samuweli 19:18

Bewela emfuleni bentela kusingatsa bukhosi nabewelako, nekwenta loko labangahle bakutjelwe yinkhosi. Inkhosi Davide yatsi isatilungiselela kwewela, Shimeyi watilahla inyandzana phansi embikwenkhosi,

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Tihlabelelo 79:8

Ungasibeki licala ngebubi babokhokho betfu, sheshisa usihlangabete ngesihawu sakho, ngobe sesidzangele kakhulu.

Umshumayeli 10:4

Nangabe intfukutselo yembusi ikuvukela, ungawushiyi umsebenti wakho. Kutfobeka kulungisa emaphutsa lamakhulu.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Numeri 12:11

Aroni watsi kuMosi: “Hhawu, nkhosi, mane ungasijezisi ngalesono setfu lesisente ngebulima.

Matewu 27:4

atsi: “Ngonile ngekutsengisa ngengati lengenacala!” Bona batsi kuye: “Pho, singenaphi lapho tsine? Tibonele wena!”

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

1 Samuweli 22:15

Bekukucala yini ngalelo langa kutsi ngimbutele kuNkulunkulu? Bengingacali vele! Inkhosi ayingayibeki licala inceku yayo, ngisho namunye webendlu yami, ngobe inceku yenkhosi ayati lutfo ngayo lendzaba.”

1 Samuweli 25:25

Shangatsi inkhosi ingete yayinaka lendvodza lekhohlakele lenguNabali. Ufanana nelibito lakhe, lelisho Silima, naye unebulima. Kodvwa mine, ncekukati yakho, angikawaboni lamadvodza labetfunyelwe yinkhosi yami.

1 Samuweli 26:21

Sawula wakhuluma watsi: “Ngonile. Buya, Davide, ndvodzana yami. Ngingeke ngiphindze ngetame kukulimata, ngobe imphilo yami uyisindzisile lamuhla. Impela ngibe silima, ngona kakhulu.”