2 Samuweli 19:18 - Siswati 1996 Bible

¹⁸ Bewela emfuleni bentela kusingatsa bukhosi nabewelako, nekwenta loko labangahle bakutjelwe yinkhosi. Inkhosi Davide yatsi isatilungiselela kwewela, Shimeyi watilahla inyandzana phansi embikwenkhosi,

2 Samuweli 19:18 Referencias Cruzadas

2 Samuweli 19:17

Shimeyi abehamba nenkhulungwane yemadvodza esive sakaBhenjamini. Siba-ke yena, sisebenti sendlu yakaSawula, weta nemadvodzana akhe lali-15 netisebenti letingema-20, befika eJordane embikwenkhosi.

2 Samuweli 19:19

watsi: “Nkhosi! Ngicela inkhosi yami ibukhohlwe bonkhe bubi bami lengabenta ngalela langa, mhlazane iphuma eJerusalema. Shangatsi inkhosi ingakukhipha loko engcondvweni yayo.

2 Samuweli 19:30

Mefiboshethi waphendvula watsi: “Siba akasale atsatsa konkhe, kimi sekwenele lokutsi inkhosi yami ibuye ekhaya iphephile.”

2 Samuweli 9:10

Wena-ke kanye nemadvodzana akho netisebenti takho kufanele nilime lomhlaba wakhe niletse tivuno, kuze lomntfwanemntfwanenkhosi yakho angetiwulamba. Mefiboshethi-ke, umntfwanemntfwanenkhosi yakho, yena utabodla kanye nami etafuleni lami onkhe emalanga.” Siba abesanemadvodzana lali-15 kanye netisebenti letingema-20.

2 Samuweli 9:2

Kwakukhona sisebenti sasendlini yakaSawula lekwakutsiwa nguSiba, libito laso. Ngako bambita kutsi avele embikwaDavide, inkhosi. Davide wafike watsi kuye: “Nguwe yini Siba?” Yena waphendvula watsi: “Ngiyinceku yakho.”

1 Emakhosi 2:8

“Khumbula, kutsi unaShimeyi, umsa waGera, umBhenjamini waseBhahurimu, lowangicalekisa kabuhlungu mhlazana ngiya eMahanayimu. Watsi naketa kutengihlangabeta eJordane, ngafunga kuye ngaSimakadze ngatsi: ‘Ngingeke ngikubulale ngenkemba.’

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 81:15

Labangitondzako bebetawuta embikwami, bete bashosha phansi ngemadvolo, kujeziswa kwabo kuhlale ingunaphakadze.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.

1 Samuweli 22:15

Bekukucala yini ngalelo langa kutsi ngimbutele kuNkulunkulu? Bengingacali vele! Inkhosi ayingayibeki licala inceku yayo, ngisho namunye webendlu yami, ngobe inceku yenkhosi ayati lutfo ngayo lendzaba.”