2 Samuweli 19:1 - Siswati 1996 Bible

¹ Jowabe wabikelwa kwatsiwa: “Inkhosi iyakhala, ililela Absalomu.”

2 Samuweli 19:1 Referencias Cruzadas

Genesisi 37:35

Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

2 Samuweli 18:12

Kodvwa lendvodza yamphendvula yatsi: “Ngisho nome bewunganginika inkhulungwane yetinhlavu tesiliva, bengingete sengicale ngiphakamise sandla sami etikwendvodzana yenkhosi. Sonkhe besiva ngesikhatsi inkhosi ininika umyalo nine nabo-Abishayi na-Ithayi, itsi: ‘Nibomane ningisite tsine, ningacali nimbeke sandla lomfana Absalomu, ngenca yami.’

2 Samuweli 18:14

Jowabe wayiphendvula watsi: “Angisenawucitsa sikhatsi nawe kanje.” Watsatsa tikhali letintsatfu, watiphisela esifubeni sa-Absalomu asengakafi, alenga esihlahleni sem-okhi.

2 Samuweli 18:20

Jowabe wamtjela watsi: “Akusiwe lofanele uhambise lombiko lamuhla nje. Ungawuhambisa umbiko ngaletinye tikhatsi, kodvwa akukafaneli ukwente loko lamuhla, ngobe kufe umntfwanenkhosi.”

2 Samuweli 18:33

Inkhosi yehlulwa buhlungu. Yasukuma yakhuphukela ekamelweni lelalingetulu kwelisango yayawukhala khona. Isakhuphuka, yayihambe ikhala itsi: “Awu, ndvodzana yami, Absalomu! Ndvodzana yami, ndvodzana yami, Absalomu! Kube kufane kwafa mine esikhundleni sakho! Awu, Absalomu, ndvodzana yami, ndvodzana yami!”

2 Samuweli 18:5

Inkhosi yayala boJowabe, na-Abishayi, na-Ithayi, yatsi: “Nibomane ningisite tsine ningamenti lutfo lomfana Absalomu, ngenca yami.” Onkhe lamabutfo ayiva inkhosi nayiyala tonkhe tindvuna tayo.

2 Samuweli 19:2

Ngalelo langa kuyo yonkhe imphi yakhe kuncoba kwagucuka kwaba sililo, ngobe ngalelo langa emabutfo abikelwa kwatsiwa: “Inkhosi idzindza lesikhulu sililo ngenca yemntfwanayo.”

Taga 17:25

Indvodzana lesilima iletsela uyise lusizi, nemmunyu kunina lowayitala.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.