2 Samuweli 18:28 - Siswati 1996 Bible

²⁸ Ahimasi wakhulekela enkhosini, watsi: “Konkhe kukahle.” Wakhotsama phansi embikwenkhosi buso bakhe bubheke phansi, watsi: “Ludvumo alube kuSimakadze Nkulunkulu wakho! Ubanikele kuwe bantfu labaphakamisa tandla tabo etikwakho, nkhosi yami, nkhosi.”

2 Samuweli 18:28 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

2 Samuweli 1:2

Ngelilanga lesitsatfu kwefika indvodza iphuma enkambu yaSawula, inetimphahla tayo letidzabukile kanye nelutfuli enhloko. Yatsi nayifika kuDavide, yawa phansi, yakhotsama, imhlonipha.

2 Samuweli 14:4

Lomfati waseThekhowa wahamba waya enkhosini, wafike wawa ngebuso embikwayo, ayikhotsama, watsi: “Awu, Nkhosi! Ngicela mane ungisite!”

2 Samuweli 22:27

Kulohlantekile wena utibonakalisa uhlantekile, kodvwa kulosigwegwe wena utibonakalisa ulukhuni.

2 Tikhronike 20:26

Ngelilanga lesine bahlanganela eSihosheni saseBherakha, lapho badvumisa khona Simakadze. Nguko nje lendzawo yabeseyibitwa ngekutsi Sihosha saseBherakha kuze kube ngulamuhla.

Tihlabelelo 115:1

Yenta kungabi ngitsi, Simakadze, yenta kungabi ngitsi, kepha akudvunyiswe libito lakho ngenca yemusa wakho nangenca yekwetsembeka kwakho.

Tihlabelelo 124:6

Akabongwe Simakadze, longazange avume kutsi titsa tetfu tisibulale.

Tihlabelelo 31:8

Awunginikelanga esandleni sesitsa, tinyawo tami utimise endzaweni lebanti.

Eksodusi 18:10

Watsi: “Akadvunyiswe Simakadze lonikhulule esandleni semaGibhithe naFaro, nalophephise sive sakhe ekugcilatweni ngemaGibhithe!

1 Samuweli 17:46

Lamuhla Simakadze utakunikela esandleni sami, ngitakushaya ngikulahle phansi, ngihhumbule inhloko yakho esidvunjini sakho. Lamuhla tidvumbu temaFilisti ngitatinika tinyoni telizulu kanye netilwane tesiganga, kuze umhlaba wonkhe wati kutsi kukhona Nkulunkulu ka-Israyeli,

1 Samuweli 24:18

Sewukushito manje lokuhle longentele kona, kutsite nome Simakadze asanginikele esandleni sakho, kodvwa wena wangete wangibulala.

1 Samuweli 25:23

Watsi kube Abigayili abone Davide, washesha wehla embongolweni yakhe, wakhotsama embikwaDavide abhekise buso bakhe phansi.

1 Samuweli 26:8

Abishayi wakhuluma kuDavide, watsi: “Lamuhla Nkulunkulu sitsa sakho usetfule etandleni takho. Mane ungivumele ngimgwaze ngesikhali, size siyewuphumela emhlabatsini; ngingeke ngiphindze kwesibili.”