2 Samuweli 18:23 - Siswati 1996 Bible

²³ Watsi: “Nome kungavelani, ngifuna kugijima nami.” Ngako Jowabe watsi: “Gijima-ke.” Ahimasi wagijima wajuba ngendlela yasematsafeni, wamendlula lomKushe.

2 Samuweli 18:23 Referencias Cruzadas

2 Samuweli 18:21

Jowabe wase ukhuluma nesigcili sakhe lesasingumKushe, watsi: “Hamba utjele inkhosi loko lokubonile.” Lesigcili sakhotsamela Jowabe, sase siyesuka ngematubane.

2 Samuweli 18:22

Ahimasi, umsa waSadoki, waphindza wakhuluma kuJowabe watsi: “Nome kungentekani, ngivumele ngigijime ngilandzele lomKushe, nami ngiphutfumise umbiko.” Kodvwa Jowabe waphendvula watsi: “Ndvodzana yami; ufunelani lokuhamba? Kute umvuzo lotawutfola ngaloku.”

2 Samuweli 18:24

Ngaleso sikhatsi Davide asehleti emkhatsini wemnyango longekhatsi edolobheni nelisango lelingaphandle, gadzi wakhuphukela etulu eluphahleni lwelisango lelingaselubondzeni. Watsi uphakamisa emehlo, wabona umuntfu eta agijima, ayedvwana.

Johane 20:4

Bobabili bagijima, kodvwa lona lomunye umfundzi wagijima kakhulu kunaPhetro, wafika kucala ethuneni.