2 Samuweli 18:2 - Siswati 1996 Bible

² Wase uyawakhipha ngeticheme letintsatfu, sinye saphuma naJowabe, lesinye saphuma na-Abishayi, umnakaboJowabe, sekugcina wasikhipha na-Ithayi, umGathi. Inkhosi Davide yakhuluma kulamabutfo, yatsi: “Nami cobo lwami ngitawushuca kanye nani.”

2 Samuweli 18:2 Referencias Cruzadas

2 Samuweli 17:11

“Ngako mine ngikweluleka ngitsi: Onkhe ema-Israyeli kusukela kaDani kuze kuyewuphuma eBherisheba, ngebunyenti bawo angangesihlabatsi saselwandle, akabutselwe lapha kuwe, wena cobo lwakho uwahole niye emphini.

2 Samuweli 21:17

Kodvwa Abishayi, umsa waSeruya, welekelela Davide, wagadla lesichwaga wasibulala. Lamadvodza akaDavide afunga kuye atsi: “Ungabobe usaphuma natsi kuyakulwa imphi. Kuze ungasicimi sibane saka-Israyeli.”

2 Samuweli 23:18

Abishayi, umnakaboJowabe, umsa waSeruya, abengumholi walaba labangema-30. Wagwaza ngesikhali sakhe, alwa nemadvodza langema-300 wawabulala onkhe, waze wadvuma kakhulu njengaletingwazi letingema-30.

2 Samuweli 8:16

Jowabe, umsa waSeruya, abengumphatsi wemphi; Jehoshafati, umsa wa-Ahiludi, abengulobhalisako.

1 Emakhosi 2:28

Jowabe weva ngaloko lekwase kwentekile. Jowabe abedudene na-Adoniya, noko akazange ahambisane na-Absalomu. Jowabe wabaleka waya ethendeni lebukhona baSimakadze, wafike wankonkoshela timphondvo telilati.

Tihlabelelo 3:6

Bantfu angibesabi, nome bangaba ngemashumi etinkhulungwane labangivimbetele ndzawo tonkhe.

Tikhulu 7:16

Wahlela lamadvodza langema-300, wawenta emabutfo lamatsatfu. Onkhe lamadvodza wawanika emacilongo nemajeke labengenalutfo, kanye netidlwane lebetisekhatsi emajekeni, watsi ngulowo nalowo akakubambe ngetandla.

Tikhulu 7:19

Gideyoni nalamadvodza lalikhulu labehamba naye befika emnyeleni wenkambu ekhatsi nebusuku nabasandza kuntjintja laba lababegadze inkambu. BoGideyoni bashaya emacilongo abo, bafohlota lamajeke labebawaphetse ngetandla.

Tikhulu 9:43

Ngako watsatsa lamabutfo akhe wawehlukanisa ticheme letintsatfu, watsi atibhace lena emasimini. Watsi nakabona bantfu baphuma edolobheni, wavuka wayawubahlasela nekubabulala.

1 Samuweli 11:11

Ngakusasa Sawula wahlela imphi yakhe, wayehlukanisa ticheme letintsatfu; kwatsi ekuseni nakudzabuka kusa batseleka enkambu yema-Amoni, bawagwaza bawabulala, laze lafutfumala lilanga. Kwatsi labo labaphunyula bahlakaka, kwabate namunye lobaleka nalomunye.