2 Samuweli 17:9 - Siswati 1996 Bible

⁹ Nyalo nje sewubhace emgedzeni lotsite nome kulenye indzawo. Nakungahle kube nguye logadla kucala kulamabutfo akho, wonkhe umuntfu loyivako leyo ndzaba angavele atsi: ‘Licobe lavungula emabutfweni lahamba na-Absalomu.’

2 Samuweli 17:9 Referencias Cruzadas

2 Samuweli 17:10

Lapho-ke ngisho nengwazi lenenhlitiyo lenjengeyelibhubesi itawuncibilika ngenca yekwesaba, ngobe wonkhe um-Israyeli uyati kutsi babe wakho yingwazi yelucobo, nekutsi laba labanaye ngemadvodza sibili, anesibindzi.

2 Samuweli 17:8

Uyamati uyihlo kanye nalamadvodza akakhe kutsi tingwazi, besabeka njengelibhele lesiganga nalemukwe emazinyane alo. Ngaphandle nje kwaloko, babe wakho ngunsukuwansuku, ngukadzebona, angeke alale emkhatsini walamabutfo akhe ebusuku.

Jeremiya 41:9

Lomgodzi lapho alahla khona tonkhe letidvumbu talamadvodza labesawabulele kanye naGedaliya, bekungiwo lowo mgodzi lomkhulu lowawentiwe yinkhosi Asa, nakativikela ekuhlaselweni nguBhasha, inkhosi yaka-Israyeli. Nguwo-ke Ishmayeli, umsa waNethaniya, lawugcwalisa ngaletidvumbu.

Joshuwa 7:5

labulala emadvodza langema-36 aka-Israyeli. Bawacosha ema-Israyeli bawesusa esangweni lelidolobha bayakuwangenisa eShebarimu, bawagwazela emaceleni etintsaba. Tinhlitiyo tesive sema-Israyeli natikubona loku, tashona phansi, taphelelwa ngemandla.

Joshuwa 8:6

Batasicosha, baze baphume bonkhe edolobheni, ngobe batawutsi: ‘Bayasibalekela, njengobe base benta nakucala.’ Ngako tsine sitawutsi singababalekela,

1 Samuweli 22:1

Davide wesuka eGathi, wabaleka, wayawubhaca emgedzeni wase-Adulamu. Batsi kube bakuve loko bomnakabo nebakubo, behla baya kuye.

1 Samuweli 23:22

Hambani nente lamanye emalungiselelo, nimfunisise, nize nati, niyibone kahle futsi lendzawo lapho Davide akhona, nalapho ahamba khona, nekutsi ngubani lose wambona alapho. Sengivile kutsi ulicili kakhulu.

1 Samuweli 24:3

Wahamba wefika etibayeni tetimvu endleleni, wakhandza kunemhume lapho, Sawula wangena wayawutikhulula kuwo. BoDavide nemabutfo akhe bebasekhatsi kulowo mhume babhacile.