2 Samuweli 16:9 - Siswati 1996 Bible

⁹ Abishayi, umsa waSeruya, wakhuluma enkhosini, watsi: “Bayethe, nkhosi yami, nkhosi! Uyivumelelani lenja kutsi ikucalekise? Ngivumele ngiye lapha kuyo, ngifike ngijube inhloko yayo ngiyilahle lapha!”

2 Samuweli 16:9 Referencias Cruzadas

2 Samuweli 19:21

Abishayi, umsa waSeruya, watsi: “Akukafaneli yini Shimeyi abulawe, ngobe wacalekisa lowo lowagcotjwa nguSimakadze kutsi abe yinkhosi?”

2 Samuweli 19:22

Davide waphendvula watsi: “Ngihlangana ngani mine nani, nine madvodzana aSeruya? Kantsi lamuhla senigucuke naba titsa tami? Kufanele yini lamuhla kutsi kube khona lobulawako ka-Israyeli? Angati yini kutsi lamuhla ngimi inkhosi yaka-Israyeli?”

2 Samuweli 3:30

Ngako boJowabe na-Abishayi bakhokha sibhongo ngekubulala Abneri, ngobe abebulele umnakabo Asaheli eGibeyoni.

2 Samuweli 3:8

Abneri watfukutsela wabilelana ngenca yalenkhulumo ya-Ishboshethi, waphendvula watsi: “Ucabanga kutsi mine ngikhonta Juda yini? Lamuhla loku mine ngihlonipha indlu yeyihlo, Sawula, nemndeni wakhe kanye nebangani bakhe. Angikaze ngikunikele esandleni saDavide. Noko manje sewungibeka licala macondzana nalomfati!

2 Samuweli 9:8

Mefiboshethi wakhotsama, watsi: “Iyini inceku yakho, kutsi ungaze unakekele inja lefile njengami?”

Eksodusi 22:28

“Ungakhulumi kabi ngaNkulunkulu, ungamcalekisi umholi wesive sakho.

Lukha 9:54

BoJakobe naJohane, bafundzi bakhe, nabakubona loku, batsi: “Nkhosi, uyafuna yini sibite umlilo wehle ezulwini ubacedze bonkhe?”

Imisebenti yebaPhostoli 23:5

Pawula wase utsi: “Bengingati, bazalwane, kutsi ungumPhristi Lomkhulu, ngobe umBhalo utsi: ‘Ungakhulumi kabi ngalophetse sive sakini.’ ”

1 yaPhetro 2:17

Hloniphani bonkhe bantfu, nitsandze bazalwane, nesabe Nkulunkulu, nihloniphe uMbusi.

1 Samuweli 24:14

“Inkhosi yema-Israyeli iphumele kulandzelana nemkhondvo wabani? Umkhondvo wenja lefile! Umkhondvo welikululu?