2 Samuweli 16:4 - Siswati 1996 Bible

⁴ Inkhosi yakhuluma kuSiba, yatsi: “Konkhe loku lebekukwaMefiboshethi sekwakho nyalo.” Siba waphendvula watsi: “Ngikhotsama ngekutitfoba. Shangatsi ngingatfola umusa emehlweni akho, nkhosi yami, nkhosi.”

2 Samuweli 16:4 Referencias Cruzadas

2 Samuweli 14:22

Jowabe wakhotsamisa buso bakhe wabubhekisa phansi emhlabatsini, ahlonipha inkhosi, ayibusisa. Jowabe watsi: “Lamuhla sengiyati kutsi ngizuze umusa emehlweni akho, nkhosi yami, ngobe inkhosi isemukele sicelo senceku yayo.”

2 Samuweli 14:4

Lomfati waseThekhowa wahamba waya enkhosini, wafike wawa ngebuso embikwayo, ayikhotsama, watsi: “Awu, Nkhosi! Ngicela mane ungisite!”

2 Samuweli 14:8

Inkhosi yakhuluma kulomfati, yatsi: “Ncandzeka uye ekhaya, ngitawukhipha umtsetfo egameni lakho.”

2 Samuweli 16:3

Inkhosi yabuta yatsi: “Uphi umntfwanemntfwanenkhosi yakho?” Siba watsi: “Uhleti lena eJerusalema, ngobe acabanga atsi: ‘Lamuhla indlu yaka-Israyeli itangibuyisela umbuso wamkhulu.’ ”

2 Samuweli 16:5

Kwatsi inkhosi Davide naseyisondzele eBhahurimu, lomunye wetihlobo taSawula, Shimeyi, umsa waGera, waphuma wamhlangabeta, weta ametfuka ngeticalekiso.

2 Samuweli 19:27

Safike sangicalela emanga enkhosini yami, kodvwa wena ufanana nengilosi yaNkulunkulu, ngako yenta loko lokubonakala kukuhle kuwe.

2 Samuweli 9:6

Watsi Mefiboshethi, umsa waJonathani, lotalwa nguSawula, nefika kuDavide, wakhotsama, akhombisa kumhlonipha. Davide watsi: “Mefiboshethi!” Mefiboshethi watsi: “Ngiyinceku yakho.”

2 Samuweli 9:9

Ngako inkhosi yase ibita Siba, sisebenti sakaSawula, yatsi kuye: “Senginike umntfwanemntfwanenkhosi yakho konkhe loko bekukwaSawula kanye nekwendlu yakhe.

Eksodusi 23:8

Ungadizelwa, ngobe kudizelwa kwenta bantfu bavaleke emehlo bangete babone, kuphambukise labacotfo ekukhulumeni liciniso.

Taga 18:13

Kubulima nelihlazo kuphendvula umbuzo ungakeva kutsi utsini.

Taga 18:17

Sikhulumi sekucala ecaleni sibonakala shangatsi sicinisile, kuze kufike lomunye asibute.

Taga 19:2

Akukuhle kuba nenshisekelo ungenalo lwati. Umuntfu lonematata ulahlekelwa yindlela.

Dutheronomi 19:15

“Bufakazi bemuntfu munye abukeneli kutsi kungaze kulahlwe ngabo umbekwacala. Indzaba kufanele ibe nabofakazi lababili nome labatsatfu.