2 Samuweli 16:23 - Siswati 1996 Bible

²³ Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

2 Samuweli 16:23 Referencias Cruzadas

2 Samuweli 15:12

Kwatsi Absalomu asanikela ngemhlatjelo, waphindze watfumela kwalandvwa Ahithofeli, umGilo, edolobheni lakubo laseGilo; Ahithofeli abengulomunye webeluleki baDavide. Ngako loluzungu lwacina, sibalo sebantfu lababelandzela Absalomu sandza.

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 17:1

Emvakwaloko Ahithofeli wakhuluma ku-Absalomu, watsi: “Angikhetse emabutfo lati-12 000, lamhla nje ebusuku, ngisukele Davide, ngimcoshe.

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Jobe 5:12

Ucitsa emacebo emacili, kuze labakwenta ngetandla tabo kungaphumeleli.

Tihlabelelo 19:7

Imfundziso yaSimakadze iphelele, ihlumelelisa umphefumulo; bufakazi baSimakadze buliciniso, buyabahlakaniphisa labate lwati.

Tihlabelelo 28:2

Lalela livi lekuncusa kwami, nangikhalela kusitwa nguwe, nangisaphakamisela tandla tami endzaweni yakho lengcwelengcwele.

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Numeri 27:21

Utakuma embikwa-Eleyazare, umphristi, lotamtsatsela tincumo latitfole nge-Urimu kuSimakadze. Ngekukhuluma kwakhe yena nesive sonkhe sema-Israyeli bayawuphuma baphindze bangene njengekuyala kwakhe.”

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Lukha 16:8

“Inkhosi yayidvumisa lendvuna lengaketsembeki ngekwenta lentfo lenebucili kangaka, ngobe bantfu balomhlaba bahlakaniphile esitukulwaneni sabo kunebantfu bekukhanya.”

KubaseRoma 1:22

Batsi bahlakaniphile, besuka baba tilima;

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.

1 Samuweli 30:8

Davide wabuta kuSimakadze watsi: “Ngibacoshe yini labatfumbi? Ngitabakhandza yini?” Simakadze watsi: “Bacoshe, utabakhandza nome kanjani, futsi utawukhona kukubuyisa loku labakutfumbile.”