2 Samuweli 16:21 - Siswati 1996 Bible

²¹ Ahithofeli waphendvula watsi: “Lala nalamaphovela eyihlo lawashiyela kutsi asale acize lesigodlo, khona atekwati onkhe ema-Israyeli kutsi sewutente sitsa seyihlo, nebalandzeli bakho batawukhutsateka ngaloko.”

2 Samuweli 16:21 Referencias Cruzadas

Genesisi 34:30

Jakobe wakhuluma kuboSimeyoni naLevi watsi: “Manje seningiletsele luhlupho, seningibangele kutsi ngitondzeke lapha kulabantfu bakulendzawo, kumaKhenani nakumaPheresi. Mine nginemadvodza lambalwa, ngako nabangahlangana bangihlasele bonkhe kanyekanye, bangangibhubhisa kanye nemndeni wami.”

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 38:16

Waphambuka waya kuye wafike watsi: “Kota ngitewulala nawe.” Abengati kutsi lowo kwakungumalukatana wakhe. Thamari watsi: “Wena utanginikani nangilala nawe?”

Genesisi 6:4

Kulawo malanga, nangasemva kwawo, kwakunetichwaga letatitalwa bantfu emhlabeni. Emadvodzana aNkulunkulu nasangene kuletintfombi tebantfu, tawatalela bantfwana. Labantfwabato bekungemachawe asendvulo labenemandla neludvumo.

2 Samuweli 10:6

Ema-Amoni atsi kube abone kutsi asatente aba liphunga lelibi kuDavide, ase acasha emasotja emaSiriya lati-20 000, ashuca ngetinyawo esuka eBhethi Rehobu, naseSobha; nasenkhosini yaseMakha kwaphuma emadvodza layinkhulungwane, naseThobu kwaphuma emadvodza lati-12 000.

2 Samuweli 12:11

“Naku-ke lokushiwo nguSimakadze, utsi: ‘Ngitakwehlisela inhlekelele letawuvela emndenini wakho. Ngitawutsatsa bafati bakho ubuka, ngibanike lowo lohlobene nawe, alale nabo emini kubuka wonkhe umuntfu.

2 Samuweli 13:5

Jonadabi watsi: “Hamba uyewulala embhedzeni, wente shangatsi uyagula. Utawutsi uyihlo naketa atekubona, umtjele utsi: ‘Ngicela kute dzadzewetfu Thamari, atengipha kudla. Lokudla akulungisele lapha kami khona ngitembuka, ngitawube sengidla loko latanginika kona ngesandla sakhe.’ ”

2 Samuweli 15:16

Inkhosi yaphuma yabaleka, ilandzelwa ngumndeni wayo wonkhe; kodvwa yashiya emaphovela ayo lalishumi kutsi asale anakekela sigodlo.

2 Samuweli 16:20

Absalomu wabuta ku-Ahithofeli, watsi: “Selulekeni. Sitakwenta njani?”

2 Samuweli 17:7

Hushayi waphendvula watsi: “Leseluleko lesibekwe ngu-Ahithofeli asikalungi kwanyalo.

2 Samuweli 2:7

Manje-ke, cinani nibe nesibindzi, ngobe Sawula, inkhosi yenu, sewufile, kodvwa indlu yakaJuda seyigcobe mine kutsi ngibe yinkhosi etikwayo.”

2 Samuweli 20:3

Davide watsi kube efike esigodlweni sakhe eJerusalema, wabutsa lamaphovela akhe labewashiyele kutsi sale anakekela lesigodlo, wawangenisa endlini watsi akagadvwe. Abewanakekela ngato tonkhe tidzingo tawo, kodvwa akazange aphindze aweyame. Abehlala avalelwe kuleso simo, kwaze kwaba lilanga lawo lekufa, aphila njengebafelokati.

1 Emakhosi 11:25

Rezoni abesitsa sema-Israyeli ngaso sonkhe sikhatsi kusabusa Solomoni, naye engeta kulokuhlushwa Solomoni labehlushwa ngako nguHadadi. Ngako Rezoni wabusa eSiriya, acabana njalo na-Israyeli.

1 Emakhosi 2:17

Wachubeka watsi: “Ngicela ungicelele inkhosi Solomoni, ngobe angeke ale kuwe, ungicelele kutsi anginike Abishagi, waseShunemu, kutsi atewuba ngumkami.”

1 Emakhosi 2:22

Inkhosi Solomoni yaphendvula unina yatsi: “Umcelelani Abishagi, waseShunemu, kutsi abe ngumka-Adoniya? Ungamane sale umcelela bukhosi. Empeleni ungumnaketfu lomdzala, kantsi futsi na-Abiyatha, umphristi, kanye naJowabe, umsa waSeruya, bangakuye!”

Levithikusi 18:8

“ ‘Ungalali nemkayihlo, loko kutawuhlazisa uyihlo.

Levithikusi 20:11

Nangabe indvodza ilala nemkayise, seyimhlazisile uyise. Bobabili, lendvodza nalomfati, kufanele babulawe; ingati yabo iyawubasetikwabo.

Zakhariya 8:13

Njengobe beniyintfo yesicalekiso emkhatsini wetive, awu nine bakaJuda nani ma-Israyeli, ngiyakunisindzisa kanjalo-ke, niyawuba sibusiso. Ningesabi, kodvwa cinani emadvolo.”

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

1 Samuweli 13:4

Ngako onkhe ema-Israyeli ayiva lendzaba, nakutsiwa: “Sawula uhlasele inkambu yemaFilisti wayehlula, manje-ke ema-Israyeli asasikhubekiso kumaFilisti.” Sonkhe sive samenyetwa, sayawuhlangana naSawula eGilgali.

1 Samuweli 27:12

Akhishi wametsemba Davide, waze wacabanga watsi: “Bantfu bakubo baka-Israyeli bamtondza kakhulu, ngako sewutaba yinceku yami kokuphela.”