2 Samuweli 15:32 - Siswati 1996 Bible

³² Watsi kube Davide efike esicongweni, lapho sive sasivamise kukhontela Nkulunkulu khona, Hushayi, um-Akhi, abefike khona lapho kutakumhlangabeta, ingubo yakhe idzatjuliwe nasenhloko yakhe atitsele ngelutfuli.

2 Samuweli 15:32 Referencias Cruzadas

2 Samuweli 1:2

Ngelilanga lesitsatfu kwefika indvodza iphuma enkambu yaSawula, inetimphahla tayo letidzabukile kanye nelutfuli enhloko. Yatsi nayifika kuDavide, yawa phansi, yakhotsama, imhlonipha.

2 Samuweli 13:19

Thamari watitsela ngemlotsa enhloko waklebhula lengubo yakhe labeyembetse. Wetfwala imikhono enhloko, ahamba akhala kakhulu.

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

2 Samuweli 16:1

Davide watsi asahambe libangana nje etulu esicongweni sentsatjana, wahlangatjetwa nguSiba, sisebenti saMefiboshethi. Siba abechuba timbongolo letimbili letatiboshelwe, tetfwele imikhama yetinkhwa lengema-200, nemacebelengwane lalikhulu emagelebisi lomisiwe, netikhehle temakhiwa letilikhulu, nesikhumbasikhwama sigcwele liwayini.

2 Samuweli 16:15

Ngaleso sikhatsi bo-Absalomu kanye nebantfu bakakhe babetseleka eJerusalema, na-Ahithofeli abekanye nabo;

2 Samuweli 17:5

Kodvwa Absalomu watsi: “Bitani naHushayi, um-Akhi, sitekuva kutsi yena utsini kuloku.”

1 Emakhosi 11:7

Entsabeni lengasemphumalanga neJerusalema Solomoni wakha indzawo lephakeme, wakhela Khemoshi, sithico semaMowabi lesisinengiso, wakhela naMoloki, sithico sema-Amoni lesisinengiso.

1 Emakhosi 4:16

Bhana, umsa waHushayi, abesikhulu saka-Asheri nase-Alothi.

1 Tikhronike 27:33

Ahithofeli abengumeluleki wenkhosi. Hushayi, um-Akhi, abengumngani wenkhosi.

Tihlabelelo 3:7

Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Lukha 19:29

Kwatsi lapho Jesu asasondzela eBhethifage naseBhetani, eNtsabeni yetihlahla temiNcumo, watfumela bafundzi lababili,

Joshuwa 16:2

Lelive lalisuka eBetheli, licondze eLuzi, lewelele ngesheya kwelive lema-Akhi, e-Atharothe,

1 Samuweli 4:12

Ngalelo langa lomunye wesive sakaBhenjamini wabaleka emphini waphutfuma eShilo, timphahla takhe asatidzabulile anelutfuli enhloko.