2 Samuweli 15:31 - Siswati 1996 Bible

³¹ Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 15:31 Referencias Cruzadas

2 Samuweli 15:12

Kwatsi Absalomu asanikela ngemhlatjelo, waphindze watfumela kwalandvwa Ahithofeli, umGilo, edolobheni lakubo laseGilo; Ahithofeli abengulomunye webeluleki baDavide. Ngako loluzungu lwacina, sibalo sebantfu lababelandzela Absalomu sandza.

2 Samuweli 16:23

Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Samuweli 17:5

Kodvwa Absalomu watsi: “Bitani naHushayi, um-Akhi, sitekuva kutsi yena utsini kuloku.”

2 Samuweli 17:7

Hushayi waphendvula watsi: “Leseluleko lesibekwe ngu-Ahithofeli asikalungi kwanyalo.

Jobe 5:12

Ucitsa emacebo emacili, kuze labakwenta ngetandla tabo kungaphumeleli.

Tihlabelelo 109:3

Bangitungeleta ngemavi enzondo, balwa nami ngaphandle kwesizatfu.

Tihlabelelo 3:1

Maye, Simakadze, setinyenti titsa tami! Sebanyenti labo labangivukelako.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Tihlabelelo 55:10

Lelidolobha kulitungeleta imini nebusuku, kuhambahambe etikwetindvonga talo; bubi nelusizi kubusa ekhatsi kwalo.

Tihlabelelo 55:12

Akusiso sitsa sami lesingigalajelako, ngobe kube bekungiso, bengingasibeketelela; akusiye longitondzako longibangisako, ngobe kube bekunguye, bengitambhacela.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

1 kubaseKorinthe 1:20

Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

YaJakobe 3:15

Lokuhlakanipha akuchamuki ngetulu, kodvwa ngekwemhlaba, nekwemvelo, nekwebusathane;