2 Samuweli 15:25 - Siswati 1996 Bible

²⁵ Inkhosi yakhuluma kuSadoki, yatsi: “Tsatsani lelibhokisi lesivumelwane nilibuyisele edolobheni. Nangitfole umusa emehlweni aSimakadze, utangibuyisa, angivumele ngiphindze ngilibone, kanye nendzawo lapho lihlala khona.

2 Samuweli 15:25 Referencias Cruzadas

2 Samuweli 6:17

Libhokisi laSimakadze baliletsa balibeka endzaweni yalo ekhatsi ethendeni Davide labelakhele lona, Davide wenta umhlatjelo wekushiswa kanye neminikelo yebudlelwane embikwaSimakadze.

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

Tihlabelelo 122:1

Ngajabula ngesikhatsi batsi kimi: “Asambe siye endlini yaSimakadze.”

Tihlabelelo 122:9

Ngenca yendlu yaSimakadze, Nkulunkulu wetfu, ngikucelela inchubekelaphambili.

Tihlabelelo 26:8

Yebo, Simakadze, ngitsandza indlu lohlala kuyo, lapho kuhlala inkhatimulo yakho khona.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 33:12

Mosi wakhuluma kuSimakadze, watsi: “Wena watsi kimi: ‘Khipha labantfu,’ kodvwa awuzange ungilayele kutsi utangitfuma nabani. Yebo, washo kona kimi watsi: ‘Ngiyalati libito lakho, futsi uzuze umusa emehlweni ami.’

Eksodusi 33:13

Ngako-ke, nangabe ngizuze umusa emehlweni akho, ngiyakucela kutsi ungikhombise tindlela takho, kuze wena ngikwati kahle, ngichubeke kuzuza umusa emehlweni akho. Ukhumbule futsi kutsi labantfu basive sakho.”

Isaya 38:22

Hezekiya abebute watsi: “Sitawuba yini sibonakaliso sekutsi ngitawukhuphukela ethempelini laSimakadze?”

Jeremiya 25:30

“Nyalo-ke phrofetha kubo onkhe lamavi lamelana nabo, utsi: “ ‘Simakadze uyawubhavumula asetulu, livi lakhe uyawuliphakamisa asendzaweni yakhe lengcwele, uyawubhavumula ngemandla emelane nelive lakhe. Uyawumemeta njengalabahluta emagelebisi, amemete emelane nabo bonkhe labahlala emhlabeni.

Jeremiya 7:4

Ningawetsembi lamagama langemanga nitsi: “Leli lithempeli laSimakadze, lithempeli laSimakadze, lithempeli laSimakadze!”