2 Samuweli 15:24 - Siswati 1996 Bible

²⁴ Sadoki naye abelapho naye, akanye nawo onkhe emaLevi, betfwele libhokisi lesivumelwane saNkulunkulu. Balibeka phansi libhokisi lesivumelwane saNkulunkulu, Abiyatha wase unikela ngemihlatjelo, baze baphuma bonkhe bantfu edolobheni.

2 Samuweli 15:24 Referencias Cruzadas

2 Samuweli 15:27

Inkhosi yaphindze yakhuluma kuSadoki, umphristi, yatsi: “Awusiye yini umboniswa? Ncandzeka ngekuthula wena na-Ahimasi, naJonathani, umsa wa-Abiyatha, nibuyele edolobheni. Wena na-Abiyatha tsatsani lamadvodzana enu omabili, nihambe nawo.

2 Samuweli 15:35

Bangeke yini baphristi boSadoki na-Abiyatha babe nawe lapho? Batjele konkhe lokuvako esigodlweni senkhosi.

2 Samuweli 20:25

Sheva abengumabhalane; boSadoki na-Abiyatha bona bekubaphristi.

2 Samuweli 6:13

Kwatsi laba lababetfwele lelibhokisi lesivumelwane nase batsetse tinyatselo letisitfupha, wase unikela ngemhlatjelo wenkunzi nangelitfokati lelikhuluphele.

2 Samuweli 8:17

BoSadoki, umsa wa-Ahitubi, kanye na-Ahimeleki, umsa wa-Abiyatha, bona babebaphristi; Seraya yena abengumabhalane.

1 Emakhosi 1:8

Kodvwa boSadoki, umphristi, naBhenaya, umsa waJehoyada, naNathani, umphrofethi, naShimeyi, naReyi, kanye nabomahlalesangweni belikhetselo baDavide abazange batihlanganise na-Adoniya.

1 Emakhosi 2:26

Inkhosi Solomoni yakhuluma ku-Abiyatha, umphristi, yatsi: “Ncandzeka, ubuyele ekhaya kini e-Anathothi. Kufanele ufe, kodvwa ngingeke ngikubulale nyalo, ngobe wetfwala libhokisi lesivumelwane saSimakadze Somandla embikwababe, Davide, wabambisana nababe kuto tonkhe tinkinga takhe.”

1 Emakhosi 2:35

Inkhosi yabeka Bhenaya, umsa waJehoyada, kutsi aphatse umbutfo esikhundleni saJowabe, kwase kutsi esikhundleni sa-Abiyatha wabeka Sadoki, umphristi.

1 Tikhronike 15:2

Davide wakhuluma watsi: “Kute nome munye ngaphandle kwemaLevi lekufanele etfwale libhokisi lesivumelwane saNkulunkulu, ngobe ngawo lakhetfwa nguSimakadze kutsi amkhonte ngaleyo nkonzo phakadze naphakadze.”

Hezekeli 48:11

Leyo-ke kuyawuba yebaphristi labehlukaniselwe, bakaSadoki, lababetsembekile ekungikhonteni, bangete beduka njengobe kwenta emaLevi ngesikhatsi kweduka ema-Israyeli.

Numeri 4:15

Nase bacedzile bo-Aroni nemadvodzana akhe kumbonya indzawo lengcwele nato tonkhe timphahla tayo, nenkambu yonkhe seyilungele kusuka ihambe, emaKhohati kufanele kube ngiwo letfwalako, kodvwa angatitsintsi letintfo letingcwele, funa afe. “Ngito leto tintfo tasethendeni lekuhlangana letifanele kwetfwalwa ngemaKhohati.

Numeri 7:9

Kodvwa Mosi akawanikanga lutfo emaKhohati, ngobe phela wona bekufanele letintfo letingcwele atetfwale emahlombe awo.

Joshuwa 3:3

bamemetela esiveni, batsi: “Nibotsi ningabona libhokisi lesivumelwane saSimakadze Nkulunkulu wenu letfwelwe baphristi labangemaLevi, bese niyatfutsa etindzaweni tenu nililandzele.

Joshuwa 3:6

Joshuwa wakhuluma kubaphristi, watsi: “Tsatsani libhokisi lesivumelwane, newele kucala embikwebantfu.” Ngako balitsatsa lelibhokisi lesivumelwane, bahamba embikwebantfu.

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.

Joshuwa 6:6

Ngako Joshuwa, umsa waNuni, wabita baphristi wakhuluma kubo, watsi: “Tsatsani libhokisi lesivumelwane saSimakadze, bese kutsi baphristi labasikhombisa baphatse emacilongo lasikhombisa embikwalo.”

1 Samuweli 22:20

Kodvwa Abiyatha, umsa wa-Ahimeleki, lotalwa ngu-Ahitubi, waphunyula wabaleka, waya kuDavide.

1 Samuweli 4:11

Libhokisi lesivumelwane saNkulunkulu latfunjwa, nemadvodzana a-Eli omabili, boHofni naFinehasi, abulawa.