2 Samuweli 15:10 - Siswati 1996 Bible

¹⁰ Absalomu wase utfumela titfunywa latiphatsisa imfihlo kuto tonkhe tive taka-Israyeli. Letitfunywa tatimemetela titsi: “Naniva kukhala kwemacilongo, nibotsi ‘Absalomu yinkhosi eHebroni.’ ”

2 Samuweli 15:10 Referencias Cruzadas

2 Samuweli 13:28

Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

2 Samuweli 14:30

Absalomu wakhuluma etincekwini takhe, watsi: “Bukani la, insimi yaJowabe isedvute naleyami, uhlanyele ibhali kuyo. Hambani nifike niyilumeke ngemlilo.” Ngako letinceku takhe tavele tayilumeka ngemlilo.

2 Samuweli 15:9

Inkhosi yakhuluma kuye yatsi: “Hamba kahle.” Ngako wavele waya eHebroni.

2 Samuweli 19:10

naye lo-Absalomu lesambeka kutsi abe yinkhosi yetfu sewufele emphini. Manje nithuleleni ningalandzi inkhosi Davide nibuyisele yona?”

2 Samuweli 2:1

Emvakwesikhatsi Davide wabuta kuSimakadze, watsi: “Kufanele yini ngenyuke kuyawutsatsa lelinye lalamadolobha akaJuda?” Simakadze watsi: “Yenyuka.” Davide wabuta watsi: “Kufanele ngiye kuphi?” Simakadze wamphendvula watsi: “EHebroni.”

2 Samuweli 2:11

Davide waba yinkhosi eHebroni etikwaJuda iminyaka lesikhombisa netinyanga letisitfupha.

2 Samuweli 5:5

EHebroni wabusa Juda iminyaka lesikhombisa netinyanga letisitfupha, kwatsi eJerusalema wabusa Israyeli naJuda iminyaka lengema-33.

1 Emakhosi 1:11

Ngako Nathani wabuta Bhatisheba, unina waSolomoni, watsi: “Awukeva yini kutsi Adoniya, lotalwa nguHagithi, sewutibeke inkhosi, inkhosi yetfu Davide ingati.

1 Emakhosi 1:34

Nitawutsi ningefika lapho, boSadoki, umphristi, naNathani, umphrofethi, batawube sebayamgcoba, bambeke abe yinkhosi etikwema-Israyeli. Nibobe senishaya kakhulu impalampala, nimemete nitsi: ‘Lunwele loludze! Nkhosi Solomoni!’

2 Emakhosi 9:13

Besuka lapho bamphutfuma bamendlalela emajazi abo etikwetitebhisi, ngaphansi kwetinyawo takhe. Base bashaya emacilongo bamemetela batsi: “Jehu yinkhosi!”

1 Tikhronike 11:3

Batsi kube befike bonkhe baholi bema-Israyeli enkhosini Davide eHebroni, wenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli, njengobe Simakadze abetsembisile ngaSamuweli.

1 Tikhronike 12:23

Lawa ngemanani emadvodza labehlomile eta kutawusita Davide eHebroni, kutsi atewumniketa umbuso waSawula, njengobe Simakadze abeshito:

1 Tikhronike 12:38

Onkhe lamadvodza abetingwazi letatitinikelele kulwa emabutfweni. Eta eHebroni atimisele ngawo onkhe emandla kubeka Davide kutsi abe yinkhosi etikwa-Israyeli wonkhe. Onkhe lawa lamanye ema-Israyeli nawo abenamcondvo munye wekubeka Davide kutsi abe yinkhosi.