2 Samuweli 14:20 - Siswati 1996 Bible

²⁰ Jowabe, inceku yakho, loku ukwentele kugucula simo lesikhona kwamanje. Inkhosi yami inekuhlakanipha lokufanana nekwengilosi yaNkulunkulu, yati konkhe lokwentekako lapha eveni.”

2 Samuweli 14:20 Referencias Cruzadas

Genesisi 3:5

Kepha Nkulunkulu uyati kutsi mhlazana nisidla, emehlo enu ayawuvuleka, bese nifanana naNkulunkulu nikwati lokuhle nalokubi.”

2 Samuweli 14:17

“Manje-ke incekukati yakho itsi: ‘Shangatsi emavi enkhosi yami, inkhosi, angangiletsela kuphumula, ngobe phela inkhosi yami ifanana nengilosi yaNkulunkulu ekwehlukaniseni lokuhle kulokubi. Shangatsi Simakadze Nkulunkulu wakho angaba nawe.’ ”

2 Samuweli 18:13

Kodvwa kube ngiwephulile lomyalo wenkhosi, ngabulala Absalomu, inkhosi beyitawuva ngaloko, ngobe iva ngako konkhe, nawe bewungasenakungivikela.”

2 Samuweli 19:27

Safike sangicalela emanga enkhosini yami, kodvwa wena ufanana nengilosi yaNkulunkulu, ngako yenta loko lokubonakala kukuhle kuwe.

2 Samuweli 19:28

Tonkhe titukulwane tamkhulu wami betingakafanelwa lutfo ngaphandle kwekubulawa yinkhosi yami, nkhosi, kodvwa inceku yakho wayipha indzawo kutsi ihlale kanye nalabadla etafuleni lakho. Ngako angisenalungelo lekubuye ngicele lomunye umusa enkhosini yami.”

2 Samuweli 5:23

Ngako Davide wabuta kuSimakadze, lowaphendvula watsi: “Ungenyukeli lapho, kodvwa tungeleta ngemuva kwawo, bese uwahlasela ngembili kwetihlahla tebhalisamu.

Taga 26:28

Umuntfu localemanga uyabatondza labo labacalela emanga, nelulwimi lolumphacambili luletsa kufa.

Taga 29:5

Umuntfu lolutsa makhelwane wakhe ambonge ngelite, utetsiya yena.

1 Samuweli 29:9

Akhishi waphendvula, watsi: “Ngiyati kutsi emehlweni ami ujabulisa njengengilosi yaNkulunkulu, noko-ke tindvuna temphi yemaFilisti titsite: ‘Akukafaneli kutsi ahambe natsi kuya emphini.’