2 Samuweli 14:19 - Siswati 1996 Bible

¹⁹ Inkhosi yabuta yatsi: “Loku awukakwenti naJowabe yini?” Waphendvula watsi: “Ngifunga kuphila kwakho, nkhosi yami, kute longaphambukela ngesekudla nome ngesancele esuke kuloko lokushiwo yinkhosi yami. Yebo, yinceku yakho Jowabe, lengitfume kutsi ngente loku, nguye futsi lofake onkhe lamavi emlonyeni wencekukati yakho.

2 Samuweli 14:19 Referencias Cruzadas

2 Samuweli 11:11

Uriya waphendvula Davide watsi: “Libhokisi lesivumelwane nemadvodza aka-Israyeli newakaJuda asemathendeni kanye nendvuna yami Jowabe netindvuna takhe bakambe ebaleni esigangeni. Pho, mine ngingaya kanjani ekhaya lami ngiyekudla, nginatse, ngilale kumkami? Ngifunga ngawe nangemphefumulo wakho, ngitsi: Ngingeke sengiyente mine intfo lenjalo!”

2 Samuweli 14:18

Inkhosi yaphendvula yatsi: “Ngitakubuta umbuzo, wena-ke ngitjele lonkhe liciniso.” Lomfati watsi: “Inkhosi yami ngicela kutsi ikhulume.”

2 Samuweli 14:3

Ubobe sewuyahamba uya enkhosini, ufike ukhulume kuyo nankha emavi lengitakunika wona.” Jowabe wavele wamfunta lawo mavi labefanele kuwakhuluma.

2 Samuweli 18:13

Kodvwa kube ngiwephulile lomyalo wenkhosi, ngabulala Absalomu, inkhosi beyitawuva ngaloko, ngobe iva ngako konkhe, nawe bewungasenakungivikela.”

2 Samuweli 3:27

Watsi kube Abneri efike eHebroni, Jowabe wamdvonsela nganhlanye esangweni, kwaba shangatsi kukhona lafuna kutsi akukhulume ngasemasitseleni. Khona lapho, wabe sewumgwaza esiswini, wafa. Ngako Abneri wabulawelwa kutsi naye abebulale Asaheli, umnakaboJowabe.

2 Samuweli 3:29

Shangatsi licala lengati yakhe lingaba setikwenhloko yaJowabe kanye nendlu yeyise! Shangatsi indlu yaJowabe ingete yahlala ingenaye umuntfu lonesilondza lesincincako nome lonalokusabulephelo, nome lohamba ngetimboko, nome lobulawa ngenkemba, nome loswele kudla.”

2 Samuweli 3:34

Tinyawo takho betingakaboshwa, netandla takho tingakankinkwa. Uwele phansi wafa njengemuntfu lobulewe tigelekece.” Sive sonkhe saphindza samkhalela futsi.

2 Emakhosi 2:2

Elija wakhuluma ku-Elisha, watsi: “Sala lapha; Simakadze usangitfumele eBetheli.” Kodvwa Elisha waphendvula, watsi: “Ngifunga ngekuphila kwaSimakadze nangekwakho, ngitsi ngingeke ngikushiye.” Ngako bavele bewuka baya eBetheli.

Eksodusi 4:15

Wena-ke ubokhuluma naye umtjele onkhe emagama lofanele kuwasho. Ngiyawunisita nobabili ekukhulumeni, nginitjele kutsi kufanele nenteni.

Taga 25:2

Bukhosi baNkulunkulu bubonakala kuloko lakufihlile; kodvwa bukhosi bemakhosi busekuphenyisiseni tintfo.

Taga 4:27

Ungajikeli ngesekudla nome ngesancele, lunyawo lwakho ungalubeki ebubini.

Numeri 20:17

Sicela kwendlula sidzabule ekhatsi nelive lakho. Singeke sihambe emasimini nome etivinini takho, singeke sinatse ngisho nemanti emitfonjeni yakho. Sitawuhamba ngemgwaco lomkhulu sicondze, singaphambukeli ngesekudla nome ngesancele, size siphumele ngale kwalelive lakho.”

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Dutheronomi 28:14

Ningaphambuki ngisho nakumunye nje walemiyalo lengininika yona lamuhla, ngesekudla nome ngesancele ngekulandzela labanye bonkulunkulu nikhonte bona.”

Dutheronomi 5:32

“Ngako caphelani kwenta loko Simakadze Nkulunkulu wenu laniyale ngako kutsi nikwente; ningacali nijikele ngesekudla nome ngesancele.

Joshuwa 1:7

Intfo nje, wena cina kakhulu, ube nesibindzi. Caphela, uyilalele yonkhe imitsetfo lowayinikwa nguMosi, inceku yami. Ungaphambuki kuyo, ngesekudla nome ngesancele, khona-ke uyakuphumelela nome ngukuphi lapho uya khona.

1 Samuweli 1:26

Hana wakhuluma ku-Eli, watsi: “Awu, nkhosi yami, awusangikhumbuli? Mine ngingulomfati lowake wema lapha eceleni kwakho athandaza kuSimakadze.

1 Samuweli 17:55

Kwatsi ngesikhatsi Sawula abuka Davide nakayawuhlangabetana nalomFilisti, wabuta ku-Abneri, indvuna yemphi yakhe, watsi: “Abneri, ngumsa wabani lomfana?” Abneri wamphendvula watsi: “Kuphila kwakho, nkhosi, angimati.”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”

1 Samuweli 25:26

“Njengobe Simakadze ukuphephisile wena, nkhosi yami, ekucitseni ingati kanye nasekutikhipheleni sibhongo ngetandla takho, ngifunga ngekuphila kwaSimakadze nangekwakho ngitsi, shangatsi tonkhe titsa takho nabo bonkhe labafuna kukwenta silo sengubo bangafanana naNabali.