2 Samuweli 14:16 - Siswati 1996 Bible

¹⁶ Mhlawumbe inkhosi itawuvuma kukhulula incekukati yayo esandleni semuntfu lowetama kubhubhisa mine nendvodzana yami asilahlise lelifa Nkulunkulu lasipha lona.’

2 Samuweli 14:16 Referencias Cruzadas

2 Samuweli 14:15

“Manje ngite lapha kutewukhuluma enkhosini yami, ngobe bantfu bangesabisile. Incekukati yakho ibese iyacabanga, itsi: ‘Loku ngitakukhuluma enkhosini, mhlawumbe ingahle yente loko lokucelwa yincekukati yayo.

2 Samuweli 20:19

Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

Tihlabelelo 72:12

Iyamkhulula loyibitako, naloweswele, nalomphofu, nalote umsiti.

Taga 16:10

Inkhosi ikhuluma ngeligunya lasezulwini, tehlulelo tayo atikhetsi.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

1 Samuweli 26:19

Nkhosi! Inkhosi yami ayilalele emavi enceku yayo. Nangabe nguSimakadze lokutjotjotele kutsi ungibulale, kulungile-ke, akawutsatse lowo mnikelo. Kodvwa noko nangabe loko kwentiwe bantfu, ababe ngulabacalekisiwe kuSimakadze! Manje sebangikhiphile eveni lekusabelo sami, efeni laSimakadze, batsi: ‘Hamba uyewukhonta labanye bonkulunkulu.’