2 Samuweli 13:3 - Siswati 1996 Bible

³ Amnoni abenemngani wakhe lekwakunguJonadabi, umsa waShama, umnakaboDavide. Jonadabi bekuyindvodza leyayinebucili kakhulu.

2 Samuweli 13:3 Referencias Cruzadas

Genesisi 3:1

Inyoka yayinebucili kwendlula tonkhe tilwane tesiganga labetentile Nkulunkulu Simakadze. Yatsi kumfati: “Kodvwa ngempela Nkulunkulu ushito yini kutsi: ‘Ningadli nome ngusinye nje sitselo setihlahla letisensimini’?”

Genesisi 38:1

Ngaso leso sikhatsi Juda wesuka kubomnakabo wayawuhlala naHira, indvodza yase-Adulamu.

Genesisi 38:20

Juda wase utfumela lomngani wakhe Hira wase-Adulamu, kutsi amikise lelizinyane abuye nalesibambiso kulomfati, kodvwa akazange amtfole.

2 Samuweli 13:2

Amnoni wakhatsateka emphefumulweni wakhe, waze wefika ezingeni lekugula ngenca yalodzadzewabo Thamari, ngobe abeyintfombi leyayingayati indvodza, noko kwabonakala kulukhuni kutsi kungaba khona langakwenta kuye.

2 Samuweli 13:32

Kodvwa Jonadabi, umsa waShama, umnakaboDavide, watsi: “Inkhosi yami ingabocabanga kutsi bonkhe bantfwabenkhosi babulewe; ngu-Amnoni kuphela lofile. Loko kwakuvele kusifiso sa-Absalomu labevele ahlose kusiphumelelisa, kusukela mhlazana Amnoni adlwengula dzadzewabo Thamari.

2 Samuweli 13:4

Wabuta Amnoni watsi: “Kwentiwa yini wena, ungumntfwanenkhosi, ubukeke uwombile onkhe emalanga? Ase ungitjele, kwente njani?” Amnoni watsi kuye: “Ngitsandza dzadzewetfu Thamari, wakabomnaketfu Absalomu.”

2 Samuweli 14:2

Ngako Jowabe wabe sewutfumela umuntfu eThekhowa, kutsi alandze umfati lohlakaniphile khona. Jowabe wakhuluma kulomfati watsi: “Tentise kube shangatsi uzilile. Yembatsa inzilo, ungacali utisebentise tinongo temtimba. Ubotentisa kube shangatsi lomuntfu lofile sewumzilele sikhatsi lesidze.

2 Samuweli 21:21

Watsi nakedzelela ema-Israyeli, Jonathani, umsa waShama, umnakaboDavide, wamsukela wambulala.

1 Tikhronike 2:13

Jese abenguyise wa-Eliyabe, litubulo lakhe, Eliyabe abelanywa ngu-Abinadabi, wesitsatfu bekunguShimeya,

1 Tikhronike 27:32

Jonathani, uyise lomncane waDavide, abengumeluleki futsi angumabhalane labehlakaniphe kakhulu. Jehiyeli, umsa waHakhamoni, abeciza emadvodzana enkhosi.

Esta 5:10

Noko watibamba waya ekhaya lakhe. Wase umema bangani bakhe kutsi bavakashele ekhaya lakhe, wabita nemkakhe Zereshi kutsi naye abe khona.

Esta 5:14

Ngako umkakhe Zereshi, nabo bonkhe bangani bakhe bakhipha siphakamiso batsi: “Yini ungagawuli sigodvo lesingemamitha langema-22 budze, uvuke ekuseni ucele enkhosini kutsi Modekhayi alengiswe khona; utawutsi nawuya edzilini nenkhosi ube ujabulile.” Leso siphakamiso samjabulisa Hamani, ngako sigodvo sekulengisa Modekhayi salungiswa masinyane.

Esta 6:13

Wafike walandzisa umkakhe nebangani bakhe bonkhe lokwase kumehlele. Umkakhe Zereshi nalabangani bakhe bamtjela batsi: “Nangabe Modekhayi aliJuda, wena sewucalile kuwa, futsi ungeke umkhone. Nakanjani utakwehlula.”

Taga 19:6

Banyenti labafuna kutsandvwa ngulabakhulu; wonkhe umuntfu ufuna kuba ngumngani wemuntfu lonemvula yetipho.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

1 kubaseKorinthe 3:19

Ngobe kuhlakanipha kwalomhlaba kubulima kuNkulunkulu; futsi kubhaliwe kutsi: “Ubamba labahlakaniphile ebucilini babo,”

YaJakobe 3:15

Lokuhlakanipha akuchamuki ngetulu, kodvwa ngekwemhlaba, nekwemvelo, nekwebusathane;

Tikhulu 14:20

LomkaSamsoni watsatfwa wendziselwa lomunye walamajaha abetemhlalisa ngemtsimba wakhe.

1 Samuweli 16:11

Ngako Samuweli wabuta Jese watsi: “Ngulawa kuphela yini emadvodzana akho?” Jese wamphendvula watsi: “Kusasele lencane kunawo onkhe, kodvwa yeluse timvu.” Samuweli watsi: “Tfumela iyewubitwa, singeke sihlale phansi, sidle umhlatjelo, ingakefiki.”

1 Samuweli 16:9

Jese wase uletsa Shama, wamendlulisa, kodvwa Samuweli watsi: “Nalona Simakadze akamkhetsi.”