2 Samuweli 13:1 - Siswati 1996 Bible

¹ Ngekuhamba kwesikhatsi Amnoni, umsa waDavide, watsandza Thamari labemuhle kakhulu, angudzadzewabo-Absalomu, umsa waDavide.

2 Samuweli 13:1 Referencias Cruzadas

Genesisi 29:18

Jakobe abetsandza Rakheli, ngako-ke watsi: “Ngitakusebentela iminyaka lesikhombisa, nawunganginika Rakheli, indvodzakati yakho lencane, ibe ngumkami.”

Genesisi 29:20

Ngako-ke Jakobe wamsebentela iminyaka lesikhombisa loRakheli, noko kuJakobe leminyaka lengaka kwaba shangatsi ngemalangana nje, ngobe phela abemtsandza kakhulu.

Genesisi 34:3

Inhlitiyo yakhe yanamatsela kuDina, wayitsandza lentfombatana, ngako wayisoma.

Genesisi 6:2

emadvodzana aNkulunkulu atibona letintfombi kutsi tinhle; ase atikhetsela letinye emkhatsini wato atenta bafati bawo.

2 Samuweli 11:2

Kwatsi ngalelinye lilanga kusihlwa Davide wavuka embhedzeni wakhe, wahambahamba etulu endlini yakhe yebukhosi. Watsi aselapho, wabona umfati ageza. Lomfati abemuhle, acedzile.

2 Samuweli 13:15

Amnoni watondza Thamari ngenzondo lenkhulu. Empeleni wamtondza ngenzondo lenkhulu kwengca lolutsandvo labemtsandza ngalo. Amnoni wamkhakhabisa watsi: “Vuka uhambe la!”

2 Samuweli 13:2

Amnoni wakhatsateka emphefumulweni wakhe, waze wefika ezingeni lekugula ngenca yalodzadzewabo Thamari, ngobe abeyintfombi leyayingayati indvodza, noko kwabonakala kulukhuni kutsi kungaba khona langakwenta kuye.

2 Samuweli 14:27

Absalomu abenemadvodzana lamatsatfu nendvodzakati yinye. Lendvodzakati yakhe wayetsa libito watsi nguThamari; abeyintfombi lenhle kakhulu.

1 Emakhosi 11:1

Solomoni, inkhosi, watsandzana nebafati labanyenti betive, ngaphandle kwalendvodzakati yaFaro; abesanemakhosikati labengemaMowabi, nalabengema-Amoni, nalabengema-Edomu, nalabengemaSidoni kanye nalabengemaHethi.

1 Tikhronike 3:2

yesitsatfu bekungu-Absalomu labetalwa nguMakha, indvodzakati yaThalmayi, inkhosi yaseGeshuri; yesine bekungu-Adoniya, labetalwa nguHagithi;

1 Tikhronike 3:9

Onkhe lawa bekungemadvodzana aDavide, ngaphandle kwalawa labetalwa ngemaphovela akhe. Thamari abengudzadzewabo.

Taga 31:30

Buhle buyayengana, nekubukeka kulite; kodvwa umfati lowesaba Simakadze ufanele kudvunyiswa.

Taga 6:25

Ungacali kumkhanukela buhle bakhe enhlitiyweni yakho, nome-ke akutfumbe ngemashiya akhe.