2 Samuweli 12:16 - Siswati 1996 Bible

¹⁶ Davide wancengela lomntfwanakhe kuNkulunkulu. Wazila, wangena endlini yakhe, walala phansi emhlabatsini busuku ngebusuku.

2 Samuweli 12:16 Referencias Cruzadas

2 Samuweli 12:15

Nathani wahamba waya ekhaya kakhe. Simakadze washaya lomntfwana waDavide, labemtele kumka-Uriya, ngesifo, wagula.

2 Samuweli 12:22

Watiphendvula watsi: “Ngesikhatsi lomntfwana asaphila, ngazila ngakhala. Ngangicabanga ngitsi: ‘Ngubani lowatiko? Mhlawumbe Simakadze angahle abe nemusa kimi aphilise lomntfwana.’

2 Samuweli 13:31

Inkhosi yasukuma, yaklebhula tingubo tayo leyayitembetse, yalala phansi emhlabatsini; tonkhe tinceku tayo tatime eceleni kwayo, nato tingubo tato tatiklejuliwe.

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

Nehemiya 1:4

Ngatsi nangikuva loko, ngahlala phansi ngakhala. Kwaphela emalanga ngilila ngizila nekudla ngithandaza kuNkulunkulu wasezulwini,

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 69:10

Ngakhala emphefumulweni wami, ngazila, kwaba yinhlamba labangetfuka ngayo.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Danyela 6:18

Inkhosi yase iyancandzeka ibuyela esigodlweni sayo, busuku bonkhe yayihleti ingadli lutfo, akuzange kuletfwe ngisho nentfo yekuyijabulisa embikwayo. Ayizange ilale.

Danyela 9:3

Ngako ngagucukela kuSimakadze longuNkulunkulu ngamncenga ngemthandazo nangekuncusa ngizila kudla, ngembatse emasaka, ngatitsela ngemlotsa.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Imisebenti yebaPhostoli 9:9

Kwaphela emalanga lamatsatfu angakwati kubona, ngaleso sikhatsi abengadli anganatsi lutfo.

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.