2 Samuweli 11:11 - Siswati 1996 Bible

¹¹ Uriya waphendvula Davide watsi: “Libhokisi lesivumelwane nemadvodza aka-Israyeli newakaJuda asemathendeni kanye nendvuna yami Jowabe netindvuna takhe bakambe ebaleni esigangeni. Pho, mine ngingaya kanjani ekhaya lami ngiyekudla, nginatse, ngilale kumkami? Ngifunga ngawe nangemphefumulo wakho, ngitsi: Ngingeke sengiyente mine intfo lenjalo!”

2 Samuweli 11:11 Referencias Cruzadas

2 Samuweli 11:10

Watsi Davide nakeva kutsi Uriya akayi ekhaya kakhe, wambuta, watsi: “Awukayi ngani ekhaya lakho? Angitsi uyefika nje ubuya khashane?”

2 Samuweli 14:19

Inkhosi yabuta yatsi: “Loku awukakwenti naJowabe yini?” Waphendvula watsi: “Ngifunga kuphila kwakho, nkhosi yami, kute longaphambukela ngesekudla nome ngesancele esuke kuloko lokushiwo yinkhosi yami. Yebo, yinceku yakho Jowabe, lengitfume kutsi ngente loku, nguye futsi lofake onkhe lamavi emlonyeni wencekukati yakho.

2 Samuweli 20:6

Davide wakhuluma ku-Abishayi, watsi: “Manje Sheba, umsa waBikri, sewutasenta intfo lemnyama kakhulu kunaloku lesakwentiwa ngu-Absalomu. Tsatsa tindvuna tami umcoshe, angakaze watfola emadolobha labiyelwe ngetibondza, aphunyule.”

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

2 Samuweli 7:6

Mine angizange sengihlale endlini kusukela ngelilanga lengakhipha ngalo ema-Israyeli eveni laseGibhithe kuze kube ngulamuhla. Bengisolo ngihamba tindzawo ngetindzawo, nelithende lekuhlangana kunguyonandlu yami lengihlala kuyo.

Numeri 32:6

Mosi waphendvula lamaGadi nemaRubeni, watsi: “Nisho kutsi nine ningasala lapha, abe emabutfo akini lenishuca nawo ayekulwa imphi?

Johane 13:14

Nangabe-ke mine lengiyiNkhosi yenu neMfundzisi wenu, nginigeza tinyawo, nani-ke kufanele nigezane tinyawo.

2 kuThimothi 2:12

Nasicinisela, siyawubusa kanye naye; nasimphika, naye futsi uyawusiphika.

1 Samuweli 1:26

Hana wakhuluma ku-Eli, watsi: “Awu, nkhosi yami, awusangikhumbuli? Mine ngingulomfati lowake wema lapha eceleni kwakho athandaza kuSimakadze.

1 Samuweli 14:18

Sawula wakhuluma ku-Ahiya, watsi: “Letsa libhokisi lesivumelwane saNkulunkulu.” Ngobe ngaleso sikhatsi lalisemkhatsini wesive sema-Israyeli.

1 Samuweli 17:55

Kwatsi ngesikhatsi Sawula abuka Davide nakayawuhlangabetana nalomFilisti, wabuta ku-Abneri, indvuna yemphi yakhe, watsi: “Abneri, ngumsa wabani lomfana?” Abneri wamphendvula watsi: “Kuphila kwakho, nkhosi, angimati.”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”

1 Samuweli 25:26

“Njengobe Simakadze ukuphephisile wena, nkhosi yami, ekucitseni ingati kanye nasekutikhipheleni sibhongo ngetandla takho, ngifunga ngekuphila kwaSimakadze nangekwakho ngitsi, shangatsi tonkhe titsa takho nabo bonkhe labafuna kukwenta silo sengubo bangafanana naNabali.

1 Samuweli 4:4

Ngako-ke sive satfumela emadvodza eShilo kutsi alandze libhokisi lesivumelwane saSimakadze longuSomandla, lohlala etikwemakherubhi. Emadvodzana a-Eli abekhona lapho nawo, boHofni naFinehasi, bakanye nelibhokisi lesivumelwane saNkulunkulu.