2 Samuweli 11:1 - Siswati 1996 Bible

¹ Kwatsi entfwasahlobo lelandzelako, ngesikhatsi emakhosi laphuma ngaso timphi, Davide yena watfumela Jowabe, wamkhipha kanye netindvuna takhe kanye nayo yonkhe imphi yema-Israyeli. Bafike babhubhisa ema-Amoni, bavimbetela lidolobha laseRabha. Davide yena abesele eJerusalema.

2 Samuweli 11:1 Referencias Cruzadas

2 Samuweli 10:14

Ema-Amoni nawo atsi kube abone kutsi emaSiriya ayabaleka, nawo esuka ngematubane abalekela Abishayi, angena edolobheni. Ngako Jowabe wabuya ekuhlaseleni ema-Amoni, wabuyela ekhaya eJerusalema.

1 Emakhosi 20:22

Emvakwaloko, umphrofethi waphindze wabuyela enkhosini yaka-Israyeli, wafike watsi: “Cinisa emabutfo akho, ubone kutsi kufanele wenteni, ngobe kulentfwasahlobo letako inkhosi yaseSiriya itawuphindze ibuye itekuhlasela futsi.”

1 Emakhosi 20:26

Entfwasahlobo lelandzelako Bheni Hadadi wahlomisa emaSiriya enyuka aya e-Afeki kuyakulwa nema-Israyeli.

1 Tikhronike 20:1

Kwatsi entfwasahlobo, ngesikhatsi emakhosi laphuma ngaso imphi, Jowabe waphuma nemasotja wayakulwa. Wahlasela live lema-Amoni wendlula wayakuvimbetela iRabha, kodvwa Davide wasala eJerusalema. Jowabe wahlasela iRabha wayehlula, wayibhidlita wayishiya itindzala.

2 Tikhronike 36:10

Kwatsi entfwasahlobo, inkhosi Nebukhadnezari watfumela kutsi akalandvwe aletfwe eBhabhulona, aletfwe kanye netimphahla letinelinani lelikhulu tasethempelini laSimakadze. Wase ubeka malume waJehoyakhini labenguSedekiya kutsi abe yinkhosi yakaJuda neyaseJerusalema.

Tihlabelelo 60:9

Ngitawumikiswa ngubani kulomuti loyinqaba? Ngitawuholwa ngubani kuya ka-Edomu?

Umshumayeli 3:8

sikhatsi sekutsandza nesikhatsi sekutondza, sikhatsi semphi nesikhatsi sekuthula.

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Jeremiya 49:3

“Khala, wena Heshboni, ngobe i-Ayi ibhujisiwe! Khalani nimemete, nine lenihlala eRabha! Yembatsani emasaka nilile, gijimani lapha nalapha ekhatsi emitsangaleni, ngobe Moloki utawuyiswa ekudzingisweni, yena kanye nebaphristi bakhe netiphatsimandla takhe.

Hezekeli 21:20

Bekisa lomunye umgwaco wenkemba itewumelana neRabha yema-Amoni, nalomunye kuze itewumelana nelakaJuda, ngisho neJerusalema lebiyelwe.

Amose 1:14

Ngako-ke ngitawulumeka umlilo etikwetibondza taseRabha lotawucotfula tonkhe tigodlo tayo emkhatsini webumayemaye bekukhala ngelilanga lekulwa imphi, nasemkhatsini wemimoya lenemandla, ngelilanga lesivunguvungu.

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

1 Samuweli 18:30

Tindvuna temabutfo emaFilisti tachubeka kulwa timphi njengakucala, Davide abechubeka nekuncoba, waze waba yingwazi leyendlula tonkhe tindvuna taSawula. Ngako libito laDavide ladvuma kakhulu.