2 Samuweli 10:8 - Siswati 1996 Bible

⁸ Ema-Amoni ashuca aphumela ngephandle, atihlela ekungeneni kwelidolobha. Laba labanye, emaSiriya aseSobha newaseRehobu kanye nemadvodza aseThobu newaseMakha wona atihlela ngephandle esigangeni.

2 Samuweli 10:8 Referencias Cruzadas

2 Samuweli 10:6

Ema-Amoni atsi kube abone kutsi asatente aba liphunga lelibi kuDavide, ase acasha emasotja emaSiriya lati-20 000, ashuca ngetinyawo esuka eBhethi Rehobu, naseSobha; nasenkhosini yaseMakha kwaphuma emadvodza layinkhulungwane, naseThobu kwaphuma emadvodza lati-12 000.

2 Samuweli 10:7

Watsi kube akuve loko Davide, watfumela Jowabe, wamkhipha nalo lonkhe libutfo lemphi yetingwazi.

2 Samuweli 10:9

Jowabe wabona kutsi emabutfo etitsa atamhlasela ngembili nangemuva, wase ukhetsa bokadzebona betingwazi cobo lwato temabutfo ema-Israyeli, watimisa tabhekana nemaSiriya.

2 Samuweli 23:34

na-Elifeleti, umsa wa-Ahasbayi, waseMakha, na-Eliyamu, umsa wa-Ahithofeli, waseGilo,

1 Emakhosi 11:24

Wabutsa emadvodza amsingatsa, waba ngumholi welicembu lemavukelambuso. Ngesikhatsi Davide abhubhisa emabutfo aseSobha, lamavukelambuso ehlela eDamaseko, lapho efika ahlala khona aba baholi.

1 Tikhronike 19:7

Bacasha tincola temphi letiti-32 000 nebagibeli bato, kanye nenkhosi yaseMakha nemasotja ayo leyeta yefike yemisa eceleni kweMedeba. Ema-Amoni wona abeshuca aphuma emadolobheni aviva, aya emphini.

1 Tikhronike 19:9

Ema-Amoni ashuca aphumela ngephandle, atihlela ekungeneni kwelidolobha lawo, kantsi lamakhosi labetawubasita abesatihlela ngephandle esigangeni.

Jeremiya 40:8

befika kaGedaliya eMispa, bo-Ishmayeli, umsa waNethaniya, naJohanani kanye naJonathani, emadvodzana aKhareya, naSeraya, umsa waThanhumethi, nemadvodzana a-Efayi waseNethofa, naJazaniya, indvodzana yemMakha, nemadvodza abo.

Numeri 13:21

Benyuka, bafike balihlola lonkhe lelo live kusukela eHlane laseSini kuze kuyewufika eRehobu, edvute nemsaho, iHamathi.

Joshuwa 19:28

Wawuhamba ucondze e-Abdoni, naseRehobu, naseHamoni, naseKhana, uze ufike eSidoni Lenkhulu.

Tikhulu 1:31

Sive saka-Asheri naso asizange siwacoshe lawo maKhenani labehlala e-Akho, naseSidoni, nase-Ahilabi, nase-Akzibi, naseHelba, nase-Afeki kanye naseRehobu;

Tikhulu 11:3

Ngako-ke Jeftha wabaleka ekhaya kubo, abalekela bomnakabo, wayawuhlala eveni lakaThobu, lapho efika kwabutsana tonkhe tihlophoyi kuye, tamsingatsa, tamlandzela, taphuma naye.

Tikhulu 11:5

tibondza takaGileyadi tahamba tayawulandza Jeftha eveni lakaThobu,