2 Samuweli 10:6 - Siswati 1996 Bible

⁶ Ema-Amoni atsi kube abone kutsi asatente aba liphunga lelibi kuDavide, ase acasha emasotja emaSiriya lati-20 000, ashuca ngetinyawo esuka eBhethi Rehobu, naseSobha; nasenkhosini yaseMakha kwaphuma emadvodza layinkhulungwane, naseThobu kwaphuma emadvodza lati-12 000.

2 Samuweli 10:6 Referencias Cruzadas

Genesisi 34:30

Jakobe wakhuluma kuboSimeyoni naLevi watsi: “Manje seningiletsele luhlupho, seningibangele kutsi ngitondzeke lapha kulabantfu bakulendzawo, kumaKhenani nakumaPheresi. Mine nginemadvodza lambalwa, ngako nabangahlangana bangihlasele bonkhe kanyekanye, bangangibhubhisa kanye nemndeni wami.”

2 Samuweli 10:5

Kwatsi kube Davide atjelwe ngaloko, wakhipha tigijimi kutsi tiwahlangabete lamadvodza, ngobe abesahlaziseke kakhulu. Inkhosi yatsi: “Hlalani eJerikho, tize tihlume kahle tilevu tenu, bese niyabuya-ke.”

2 Samuweli 10:7

Watsi kube akuve loko Davide, watfumela Jowabe, wamkhipha nalo lonkhe libutfo lemphi yetingwazi.

2 Samuweli 16:21

Ahithofeli waphendvula watsi: “Lala nalamaphovela eyihlo lawashiyela kutsi asale acize lesigodlo, khona atekwati onkhe ema-Israyeli kutsi sewutente sitsa seyihlo, nebalandzeli bakho batawukhutsateka ngaloko.”

2 Samuweli 23:34

na-Elifeleti, umsa wa-Ahasbayi, waseMakha, na-Eliyamu, umsa wa-Ahithofeli, waseGilo,

2 Samuweli 8:12

ema-Edomu, nemaMowabi, nema-Amoni, nemaFilisti, nema-Amaleki. Davide wanikela nangemphango labeyitfumbe kuHadadezeri, umsa waRehobi, inkhosi yaseSobha.

2 Samuweli 8:3

Ngetulu kwaloko Davide wahlasela naHadadezeri, umsa waRehobi, inkhosi yaseSobha, ngesikhatsi Hadadezeri asayawutsatsa kubusa kwakhe ngasemfuleni iYufrathe.

2 Samuweli 8:5

Atsi ayeta emaSiriya aseDamaseko, atsi atekwelekelela Hadadezeri, inkhosi yaseSobha, Davide wabulala aba ti-22 000 kuwo.

1 Emakhosi 11:24

Wabutsa emadvodza amsingatsa, waba ngumholi welicembu lemavukelambuso. Ngesikhatsi Davide abhubhisa emabutfo aseSobha, lamavukelambuso ehlela eDamaseko, lapho efika ahlala khona aba baholi.

2 Emakhosi 7:6

ngobe Simakadze wenta emaSiriya eva shangatsi kuta umsindvo walenkhulu imphi yemahhashi netincola tawo, ase acabanga kutsi inkhosi yema-Israyeli seyimeme emakhosi emaHethi newemaGibhithe, nemabutfo awo kutsi atekuwahlasela.

Tihlabelelo 48:4

Emakhosi-ke wona abutsana, ayawuhlasela iNtsaba iSiyoni.

Eksodusi 5:21

Takhuluma kuboMosi na-Aroni tatsi: “Shangatsi Simakadze angakubona loko lesenikwentile, anijezise, ngobe senente liphunga letfu lenyanyeka kuFaro nakutiphatsimandla takhe. Senibahlomisile kuze kutsi basibulale kalula.”

Taga 25:8

Ungasheshi uye enkantolo ngaloko lokubonile, ngobe nase kuphele lelicala lomunye wafakaza wakwenta silima, utawube sewentani-ke?

Jeremiya 40:8

befika kaGedaliya eMispa, bo-Ishmayeli, umsa waNethaniya, naJohanani kanye naJonathani, emadvodzana aKhareya, naSeraya, umsa waThanhumethi, nemadvodzana a-Efayi waseNethofa, naJazaniya, indvodzana yemMakha, nemadvodza abo.

Jeremiya 46:21

Emabutfo ayo lacashiwe anjengematfole londleke kahle eGibhithe. Nawo futsi atawuncandzeka abaleke kanyekanye, angeke ayimele lemphi, ngobe lilanga lawo lesehlakalo sawo seliwehlele, sikhatsi sawo sekutsi ajeziswe.

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

Tikhulu 11:3

Ngako-ke Jeftha wabaleka ekhaya kubo, abalekela bomnakabo, wayawuhlala eveni lakaThobu, lapho efika kwabutsana tonkhe tihlophoyi kuye, tamsingatsa, tamlandzela, taphuma naye.

Tikhulu 11:5

tibondza takaGileyadi tahamba tayawulandza Jeftha eveni lakaThobu,

Tikhulu 18:28

Kute namunye labengaselekelela lesive, ngobe sasihlala khashane kakhulu nebaseSidoni, singenabudlelwane namuntfu. Lelidolobha laso lalisesigodzini lesasiseceleni kweBhethi Rehobu. BakaDani baphindza balakha kabusha lelidolobha, bahlala kulo.

1 Samuweli 13:4

Ngako onkhe ema-Israyeli ayiva lendzaba, nakutsiwa: “Sawula uhlasele inkambu yemaFilisti wayehlula, manje-ke ema-Israyeli asasikhubekiso kumaFilisti.” Sonkhe sive samenyetwa, sayawuhlangana naSawula eGilgali.

1 Samuweli 27:12

Akhishi wametsemba Davide, waze wacabanga watsi: “Bantfu bakubo baka-Israyeli bamtondza kakhulu, ngako sewutaba yinceku yami kokuphela.”