2 Samuweli 1:11 - Siswati 1996 Bible

¹¹ Davide kanye nawo onkhe emadvodza labenawo badzabula tembatfo tabo.

2 Samuweli 1:11 Referencias Cruzadas

Genesisi 37:29

Rubeni watsi ubuyela kulomgodzi wakhandza Josefa angasekho, wadzabula timphahla takhe.

Genesisi 37:34

Jakobe wadzabuka wadzimate wadzabula timphahla takhe, wavunula emasaka, walilela lendvodzana yakhe emalanga lamanyenti.

Genesisi 44:13

Besuka badzabula tingubo tabo ngenca yekudzabuka, kwaba ngulowo nalowo wekhweta umtfwalo wakhe embongolweni yakhe, bancandzeka sebabuyela edolobheni.

2 Samuweli 13:19

Thamari watitsela ngemlotsa enhloko waklebhula lengubo yakhe labeyembetse. Wetfwala imikhono enhloko, ahamba akhala kakhulu.

2 Samuweli 13:31

Inkhosi yasukuma, yaklebhula tingubo tayo leyayitembetse, yalala phansi emhlabatsini; tonkhe tinceku tayo tatime eceleni kwayo, nato tingubo tato tatiklejuliwe.

2 Samuweli 3:31

Davide wakhuluma kuJowabe nakubo bonkhe bantfu lababelapho, watsi: “Klebhulani timphahla tenu nembatse emasaka, nihambe nendlule embikwa-Abneri.” Davide, inkhosi, naye cobo lwakhe wahamba emvakweluhlaka lwemngcwabo wa-Abneri.

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Ezra 9:3

Ngatsi kube ngikuve loko, ngaklebhula ingubo nesembatfo sami, ngahhula tinwele tami nesilevu sami, ngahlala phansi ngijabhile.

Esta 4:1

Watsi kube Modekhayi eve ngako konkhe loko lokwase kuhloswe kwentiwa nguHamani, wadzabula tingubo takhe, wembatsa emasaka, watitsela ngemlotsa, wahamba adzabula lidolobha ekhatsi, akhala kakhulu nakabuhlungu,

Jeremiya 36:24

Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Imisebenti yebaPhostoli 14:14

Lapho boBhanabasi naPawula beva loko bese batakwenta, badzabula tingubo tabo bagijima bacondza emkhatsini wesicumbi, bamemeta batsi:

KubaseRoma 12:15

Nijabule nalabajabulako, nikhale nalabakhalako.

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.