2 kuThimothi 3:9 - Siswati 1996 Bible

⁹ Kodvwa bangeke bafike ndzawo; ngobe bulima babo butakwembuleka kubo bonkhe bantfu, njengebulima balabo bobabili.

2 kuThimothi 3:9 Referencias Cruzadas

1 Emakhosi 22:25

Mikhaya waphendvula watsi: “Loko uyawukubona ukwati, mhlazana uhamba sewuyawubhaca ekamelweni lelisekhatsi.”

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Eksodusi 7:11

Faro wabita tihlakaniphi kanye nalabalumbako bakakhe. Nabo labalumbi baseGibhithe bakwenta loko ngemilingo yabo.

Eksodusi 7:12

Nabo batijika phansi tindvuku tabo, tagucuka taba tinyoka. Kodvwa indvuku ya-Aroni yatimita tonkhe leti letinye tindvuku.

Eksodusi 9:11

Labalumbi behluleka kuma embikwaMosi, ngobe kwakutse minci ematfumba emitimbeni yabo nakuwo onkhe emaGibhithe.

Jeremiya 37:19

Baphi labaphrofethi benu labaniphrofethela batsi: ‘Inkhosi yaseBhabhulona ingeke ikuhlasele, nalelive ingeke ilente lutfo’?

Lukha 6:11

Kodvwa baFarisi batfukutsela babila, bafakana imilomo bodvwana ngekutsi bafanele bente njani ngaloJesu.

Imisebenti yebaPhostoli 13:11

Sandla seNkhosi sitakwehlela etikwakho nyalo; utawuba yimphumphutse, awunakubona kukhanya kwelilanga sikhatsi lesitsite.” Khona lapho Elimasi wehlelwa yinkhungu yebumnyama yavala emehlo akhe, wahambahamba ajikeleta afuna longamhola amdvonse ngesandla.

2 kuThimothi 3:8

Njengobe boJanesi naJambresi bamelana naMosi, nabo-ke labantfu bamelene neliciniso, babantfu labanengcondvo leyonakele netehluleki ekukholweni.