2 kuThimothi 2:12 - Siswati 1996 Bible

¹² Nasicinisela, siyawubusa kanye naye; nasimphika, naye futsi uyawusiphika.

2 kuThimothi 2:12 Referencias Cruzadas

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Matewu 10:33

Kodvwa lowo longiphika embikwebantfu, nami ngiyawumphika embikwaBabe losezulwini.”

Matewu 26:35

Phetro waphendvula watsi: “Nome ngingaze ngife nawe, ngingeke ngikuphike!” Nalaba labanye bafundzi basho njalo.

Matewu 26:75

Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.

Makho 10:33

watsi: “Ase nilalele la, sesenyukela eJerusalema, iNdvodzana yeMuntfu itawunikelwa kubaphristi labakhulu nasetatini temtsetfo, batayilahla ngelicala kutsi ibulawe. Batayinikela kubetive.

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Lukha 12:9

Kodvwa lowo longiphika embikwebantfu kutsi akasiye wami, iNdvodzana yeMuntfu nayo iyawumphika embikwetingilosi taNkulunkulu.

Lukha 22:29

njengobe Babe anginikile ligunya lekubusa, nami-ke ngitaninika lona.

Lukha 22:30

Niyawudla ninatse etafuleni embusweni wami, niyawuhlala etihlalweni nehlulele tive tema-Israyeli letili-12.”

Lukha 9:26

Nangabe umuntfu unemahloni ngami nangemavi ami, neNdvodzana yeMuntfu iyawuba nemahloni ngaye nayita ngenkhatimulo yayo nangebukhosi beYise kanye neyetingilosi letingcwele.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

KubaseRoma 5:17

Nangabe ngesono semuntfu munye kufa kwacala kubusa ngaye, kakhulu kanganani-ke labo labemukela umusa lochichimako nesipho sekulunga bayawubusa ekuphileni ngemuntfu munye longuJesu Khristu.

KubaseRoma 8:17

Njengobe sibantfwana bakhe nje, sitindlalifa futsi: Sitindlalifa taNkulunkulu, yebo, sitindlalifa kanye naKhristu; nangabe phela sihlupheka kanye naye siyawukhatimuliswa kanye naye.

KubaseFiliphi 1:28

Ningetfuswa lutfo ngalabo labamelene nani, lokusiciniseko sekubhubha kubo, kepha sekusindziswa kwenu. Loku-ke kuvela kuNkulunkulu.

1 kuThimothi 5:8

Kepha nangabe umuntfu anganakekeli tihlobo takhe, ikakhulu umndeni wakhe, sewukulahlile kukholwa; futsi loko kwenta kwakhe kubi kakhulu kunekwemuntfu longakholwa.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 1:6

wasenta emakhosi nebaphristi kuNkulunkulu uYise, akube ludvumo nebukhosi phakadze naphakadze! Amen.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 2:13

Ngiyati lapho uhlala khona; uhlala lapho Sathane anesihlalo sakhe sebukhosi khona. Libito lami ulibambisisile, awuzange ungihlubuke ngisho namhlazane Antipasi, fakazi wami lowetsembekile, abulawa emkhatsini wenu, lapho kuhlala khona Sathane.

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.

Sembulo 20:6

Babusisiwe futsi bangcwele labo labahlanganyela ekuvukeni kwekucala. Kufa kwesibili kute emandla etikwabo, kodvwa bayawuba baphristi baNkulunkulu naKhristu, bayawubusa naye iminyaka leyinkhulungwane.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Sembulo 3:8

Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”