2 kuThimothi 1:7 - Siswati 1996 Bible

⁷ Ngobe Nkulunkulu akasiphanga umoya webugwala, kodvwa wasipha Moya wemandla, newelutsandvo, newekutekhuta.

2 kuThimothi 1:7 Referencias Cruzadas

Tihlabelelo 119:80

Shangatsi inhlitiyo yami ingagcina timiso takho, kuze ngingehlelwa ngemahloni, ngihlazeke.

Taga 2:7

Labacotfo ubabekele kuhlakanipha; ulihawu kulabo labatiphatsa ngekwetsembeka.

Taga 8:14

Kweluleka lokuhle nekwehlulela kahle kwami, kucondza kanye nemandla kwami.

Isaya 11:2

Moya waSimakadze uyawubasetikwakhe, Moya wekuhlakanipha newekucondza, Moya wekweluleka newemandla, Moya welwati newekwesaba Simakadze,

Mikha 3:8

Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Lukha 10:19

Bukani la! Ngininike emandla ekunyatsela tinyoka, nabofecela, nemandla ekuncoba sitsa; kute lokuyawunilimata.

Lukha 15:17

“Sigcino yasanguluka engcondvweni yacabanga yatsi: ‘Tonkhe tisebenti tababe tidla tidzimate titibekele, kepha mine lapha ngilamba kangaka.

Lukha 24:49

Mine-ke ngiyawunitfumelela sipho lesetsenjiswa nguBabe; kodvwa hlalani eJerusalema, nize nemukeliswe emandla lavela ngetulu.”

Lukha 8:35

Bantfu baphuma sebayawubona lokwasekwentekile. Batsi beta kuJesu, bakhandza lomuntfu labenemadimoni ahleti ngasetinyaweni taJesu, embetse kahle, nemcondvo wakhe sewusangulukile; bonkhe bantfu besaba.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

Imisebenti yebaPhostoli 26:11

Ngadlanga ngekubajezisa emasinagogeni ngibacindzetela kutsi bakugceke kukholwa kwabo. Ngangibacansukela kakhulu kangangekutsi ngadzimate ngabalandzela nome sebabalekele kulamanye emadolobha langephandle.”

Imisebenti yebaPhostoli 26:25

Kodvwa Pawula waphendvula watsi: “Angihlanyi, Mhlonishwa Festusi! Kodvwa ngikhuluma liciniso leliphilile nalelimsulwa.

Imisebenti yebaPhostoli 6:8

Stefano, labegcwele umusa nemandla aNkulunkulu, wenta tibonakaliso netimangaliso emkhatsini webantfu.

Imisebenti yebaPhostoli 9:22

Kodvwa Sawula wachubeka kushumayela ngemandla wawadzidza nemaJuda labehlala eDamaseko, awakhombisa ngalokusebaleni kutsi Jesu unguKhristu.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

1 kubaseKorinthe 2:4

Kukhuluma kwami nekushumayela kwami akuzange kube ngemavi ekuhlakanipha lokuhunganako, kodvwa kwaba sibonakaliso saMoya nesemandla.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseKholose 1:8

Seva ngaye ngelutsandvo lwenu leninalo ngaMoya Longcwele.

KumaHebheru 2:15

kuze akhulule bonkhe labo labatsi ngesikhatsi sonkhe sekuphila kwabo baboshelwa ebugcilini ngenca yekwesaba kufa.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaJohane 4:18

Lutsandvo lute kwesaba, kodvwa lutsandvo loluphelele luyakucosha kwesaba. Kwesaba kuhambisana nesijeziso; lowo lowesabako akapheleli elutsandvweni.