2 kubaseKorinthe 9:15 - Siswati 1996 Bible

¹⁵ Akabongwe Nkulunkulu ngesipho sakhe lesingachazeki.

2 kubaseKorinthe 9:15 Referencias Cruzadas

1 Tikhronike 16:35

Khalani kuye nitsi: ‘Sisindzise, Nkulunkulu longuMsindzisi wetfu, sibutse usikhulule etiveni, kuze sibonge Libito lakho lelingcwele, kuze sigungubale ngeludvumo lwakho.’

1 Tikhronike 16:8

“Bongani Simakadze, nibite libito lakhe, nimemetele tento takhe emkhatsini wetive.

Tihlabelelo 30:12

Ngako-ke umphefumulo wami uyawukudvumisa ungabindzi. Yebo, Simakadze, Nkulunkulu wami, ngiyawukudvumisa phakadze naphakadze.

Tihlabelelo 30:4

Nine labangcwele bakhe, hlabelani nidvumise Simakadze, nibonge libito lakhe lelingcwele.

Tihlabelelo 92:1

Kuhle kubonga wena, Simakadze, nekuhlabelela egameni lakho, wena Losetikwako Konkhe,

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Lukha 2:38

Ngaso leso sikhatsi weta wefika wabonga Nkulunkulu, wase ukhuluma ngalomntfwana kubo bonkhe lababelindzele inkhululeko yeJerusalema.

Johane 1:16

Ngobe ekupheleleni kwakhe sonkhe saphiwa umusa etikwemusa.

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

KubaseRoma 5:15

Kodvwa sono sa-Adamu singeke silinganiswe nesipho saNkulunkulu semusa; ngobe nangabe ngesiphambuko semuntfu munye kwafa labanyenti, kakhulu kangakanani-ke ngesipho lesingumuntfu longuJesu Khristu, umusa waNkulunkulu wenela bantfu labanyenti.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

1 kubaseKorinthe 15:57

Kodvwa akabongwe Nkulunkulu losinika kuncoba ngeNkhosi yetfu Jesu Khristu.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

2 kubaseKorinthe 9:11

Uyawunipha konkhe lokuhle, kuze nikwati kwephana ngato tonkhe tindlela; loko kuyakwenta labanye babonge Nkulunkulu ngetipho tenu labatitfole ngatsi.

2 kubaseKorinthe 9:14

Bayawubona bukhulu bemusa waNkulunkulu kini, bese bafisa kakhulu kuhlanganyela nani emthandazweni.

Kubase-Efesu 5:20

Nimbonge njalo Nkulunkulu uYise ngako konkhe egameni leNkhosi yetfu Jesu Khristu.

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

Sembulo 4:9

Njalo nje nangabe letidalwa letine tatibabata bukhosi bakhe, timdvumise, tibonga lowo lohleti esihlalweni sebukhosi, nalophila kuze kube phakadze,