2 kubaseKorinthe 9:10 - Siswati 1996 Bible

¹⁰ Lowo lonika inhlanyelo kumhlanyeli ephane ngesinkhwa sekudliwa, uyawuninika inhlanyelo aphindze ayente imile ikhule, asandzise nesivuno sekunikela kwenu ngekwephana.

2 kubaseKorinthe 9:10 Referencias Cruzadas

Genesisi 47:19

Utasiyekela nje sibulawe yindlala embikwakho tsine nelive letfu? Sitsengisele kudla ngatsi nangemasimi etfu. Tsine nelive letfu sitawuba tigcili taFaro. Siphe kudla kuze siphunge indlala, singafi; usiphe nenhlanyelo sitewuhlanyela emasimini etfu.”

Taga 11:18

Umuntfu lomubi utfola inzuzo ngendlela lembi; kodvwa lohlanyela ngebucotfo utfola sivuno lesikhonsako.

Umshumayeli 11:6

Ekuseni hlanyela inhlanyelo yakho, ungayekeli kusebenta lize liyewushona, ngobe awuyati lenguyona itawuphumelela, kutsi ngulena yini nome nguleyo, nome totimbili tiyawuphumelela kahle ngalokufananako.

Isaya 55:10

Njengobe imvula nesitfwatfwa kwehla kuchamuka ezulwini, kungaphindzi kubuyele kulo kungakawuniseli umhlaba, kuwente uhlume uphindze utsele titselo, khona kutewutsela inhlanyelo yemhlanyeli nesinkhwa salowo lodlako,

Hoseya 10:12

Ngake ngatsi: ‘Tihlanyeleleni kulunga, nivune titselo temusa longapheli, bese nilima ingcatfo; ngobe sesikhatsi sekufuna Simakadze, adzimate efike ehlisele imvula yekulunga etikwenu.’

Matewu 6:1

“Kepha caphelani ningakwenti kulunga kwenu embikwebantfu ngenhloso yekutsi nibonwe ngibo, funa nibete umvuzo kuYihlo losezulwini.

2 kubaseKorinthe 9:12

Ngobe lenkonzo lesiyentako ayisiti labangcwele kuphela, kodvwa iphuphuma ngekutsi labanyenti babonge Nkulunkulu.

2 kubaseKorinthe 9:6

Khumbulani naku: Lowo lohlanyela kancane, uyawuvuna kancane; lowo lohlanyela kakhulu, uyawuvuna kakhulu.

KubaseGalathiya 3:5

Nkulunkulu uyaninika yini Moya wakhe ente imisebenti lemangalisako emkhatsini wenu ngobe nigcina umtsetfo, nome uninika ngobe nikholwe liVangeli lenaliva nalishunyayelwa?

Kubase-Efesu 5:9

Ngobe lapho kunekukhanya khona ngulapho kuvela khona konkhe lokuhle, nalokulungile, nalokuliciniso.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseFiliphi 4:17

Akusho kutsi ngifuna sipho, kodvwa ngifuna sitselo saso lesingusona sitakwandzisa inzuzo kini.

1 kubaseThesalonika 3:12

Shangatsi iNkhosi inganandzisa inikhulise naselutsandvweni lomunye kulomunye nakubo bonkhe bantfu, njengobe nelwetfu lunjalo kini,

1 kubaseThesalonika 4:10

Empeleni loko senikubonakalisile kubo bonkhe bazalwane labaseMasedoniya. Kodvwa siyanikhutsata, bazalwane, kutsi chubekani nikwente loko.